RPC pryhraziła razryvam adnosinaŭ ź Ijerusalimskim patryjarchatam
Ruskaja pravasłaŭnaja carkva (RPC) maje namier prypynić słužeńnie ŭ Chramie truny Haspodniaj, kali Ijerusalimski patryjarchat padtrymaje Kanstancinopalski ŭ rašeńni dać aŭtakiefaliju Ukrainskaj pravasłaŭnaj carkvie.
Pra heta zajaviŭ sakratar Ruskaj duchoŭnaj misii ŭ Ijerusalimie ihumien Nikan, paviedamlaje ria.ru
«Kali Ijerusalimski patryjarchat prymie bok Kanstancinopalskaha patryjarchata i, jak śledstva, dazvolić «fiłaretaŭcam» słužyć kala truny Haspodniaj i ŭ inšych svaich chramach u Śviatoj ziamli, to tady nam pryjdziecca prypynić słužeńnie ź imi», - skazaŭ jon.
«Faktyčna heta praciah skandału, i, chutčej za ŭsio, ja tak miarkuju, što pryjdziecca i ź Ijerusalimskim patryjarchatam tady spyniać adnosiny, bo ŭ takim vypadku jany stanuć na bok raskolnikaŭ», - dadaŭ surazmoŭca ahienctva.
Ijerusalimski patryjarchat — adzin z najstaražytniejšych. U dyptychu pravasłaŭnych miescaŭ z 15 cerkvaŭ zajmaje 4-je miesca, śledam za Kanstancinopalem, Aleksandryjaj i Antyjachijaj. 5-je miesca ŭ RPC.
Jurysdykcyja Ijerusalima raspaŭsiudžvajecca na Izrail, Paleścinu, Iardaniju i Sinajskuju paŭvyspu.