«Stralali, byli asiečki, kulamiot byŭ niaspraŭny». U Minsku sudziać radavoha za śmierć inšaha sałdata
25-hadovy Siarhiej Krupa całkam pryznaje svaju vinu ŭ tym, što z-za jaho pamyłki zahinuŭ kiroŭca-miechanik Dźmitryj Udod.
U zału suda Minskaha rajona abvinavačany Siarhiej Krupa prychodzić u vajskovaj formie. Chłopiec vyhladaje razhublenym, pryhniečanym, jon nie siadaje na łavu, a staić pierad trybunaj u čakańni sudździ. Na sud radavy pryjšoŭ biez advakata, ad pasłuhaŭ abaroncy admoviŭsia i ŭ chodzie samoha pracesu.
Pavodle viersii śledstva, 4 maja padčas bajavoj padrychtoŭki ad ahniastrelnaha ranieńnia zahinuŭ 20-hadovy Dźmitryj Udod.
Abvinavačvańnie pa č.2 art. 463 KK (Parušeńnie praviłaŭ abychodžańnia sa zbrojaj, što paciahnuła pa nieaściarožnaści śmierć čałavieka) pradjaŭlena 25-hadovamu namieśniku kamandzira bajavoj mašyny Siarhieju Krupu. Radavomu 25 hadoŭ, jon rodam z Mazyra. U jaho siarednie-śpiecyjalnaja adukacyja, u armiju byŭ pryzvany ŭ 2017 hodzie.
— Chacieŭ słužyć, mianie pryzvali ŭ 24 hady. Adterminoŭku davali z-za traŭmy ruki ŭ dziacinstvie, nu, i serca tam, — raspaviadaje ŭ sudzie Siarhiej Krupa.
Svaju vinu radavy pryznaje całkam. Niahledziačy na heta, mama zahinułaha sałdata prosić nie karać Krupu, tłumačyć: atrymałasia vypadkova, i prysud užo nie viernie joj syna. Siońnia žančyna ŭ sudzie nie prysutničaje, jana pryjedzie zaŭtra ŭ Minsk z Homielskaj vobłaści i vystupić na pracesie.
— U krasaviku vybirali najlepšy ekipaž Uzbrojenych sił. My taksama ŭdzielničali ŭ hetym, — raspaviadaje Siarhiej Krupa.
Ekipaž składaŭsia z troch čałaviek: kamandzira bajavoj mašyny Ściapko, namieśnika Siarhieja Krupy i kiroŭcy-miechanika Dźmitryja Udoda. Abvinavačany pieraličvaje, što ŭvachodziła ŭ abaviazki kožnaha:
— Kamandzir braŭ stužku u miechanika i pavinien byŭ pieradać mnie, a ja ŭžo zaradžaŭ. Čym chutčej usio zrabić, tym lepš. Kali stužka zaradžana, paviedamlajem pra heta pa racyi. Zatym pastupaje kamanda, i my stralajem. Krupa ŭdakładniaje, što pierad strełam usie luki pavinny być začynienyja. Asabista jaho abychodzicca sa zbrojaj vučyli jašče ŭ Piečach, tam ža aznajomili z adpaviednaj instrukcyjaj.
— Jak naładžany pavodziny padčas pazaštatnaj situacyi? — udakładniaje sudździa ŭ abvinavačanaha.
— Treba spynić stralbu i paviedamić aficeru. U kamandzira mašyny ź im suviaź była, u mianie — nie. Nie pracavaŭ šlemafon, — adkazvaje Krupa.
— Vy paviedamili pra heta? — pytajecca sudździa.
— Usie viedali, — kaža abvinavačany radavy.
Jak jon raspaviadaje padčas dopytu ŭ sudzie, pieršyja try etapy stralby 4 maja prachodzili ŭ štatnym režymie.
— Prystupili da druhoha, pačalisia asiečki, kamandzir mašyny dakładvaŭ pra heta Ściapko. Ekipaž, jaki stralaŭ da nas, taksama kazaŭ, što byli asiečki, — uspaminaje Siarhiej Krupa. — A potym pačuŭ, što ŭpała stužka, skazaŭ kamandziru zrabić dakład. U śpiešcy ja zabyŭsia pastavić zbroju na zaścierahalnik. Potym my vyskačyli z mašyny, pastroilisia ŭsie troje, zatym znoŭ zaskočyli ŭ mašynu. Ja byŭ upeŭnieny, što miechanik na miescy, pačuŭsia mižvolny streł. Jašče spytaŭ u kamandzira: «Što heta było?». Jon nie viedaŭ. I ja praciahnuŭ dalej zaradžać stužku.
— Chto-niebudź praviaraŭ bajavuju hatoŭnaść Udoda? — pytajecca sudździa.
— Nie.
— Jak zrazumieć, što jon na miescy?
— My ŭvieś čas tak zajmalisia, i miechanik zaŭsiody byŭ na svaim miescy, — tłumačyć sudździ abvinavačany.
Ekipaž jašče niekatory čas nie viedaŭ, što Dźmitryj Udod zahinuŭ. Z-za asiečak Krupa razradziŭ stužku i čakaŭ, kali ŭsie astatnija skončać stralać.
— Paśla adstrełu ŭsio vyleźli z mašyn, ja šukaŭ Dzimu, bačyŭ, što lažaŭ šlemafon. Padumaŭ, Dzima pajšoŭ u prybiralniu. Dałažyŭ kamandziru pra heta, jon mianie nie pačuŭ, — kaža Siarhiej Krupa.
Na jaho dumku, trahiedyja adbyłasia, kali ekipaž załaziŭ u bajavuju mašynu.
— Adbyŭsia streł. U mianie traŭma ruki, jana drenna pracuje. Mabyć, začapiŭ spusk, zbroja nie była na zaścierahalniku, - raspaviadaje ŭ sudzie radavy Siarhiej Krupa. - Paśla taho, što zdaryłasia mnie stała drenna, pačało treści, mianie advieźli ŭ miedrotu. Ja škaduju.
Siarhiej Krupa pryzyvaŭsia ŭ vojska ź niaznačnymi abmiežavańniami pa słužbie. U jaho charaktarystycy z vajskovaj častki paznačana, što jon zarekamiendavaŭ siabie pasredna, nie šanuje bajavych tavaryšaŭ. «Niaŭvažlivy, raśsiejany, zabyvajecca», - paznačana ŭ dakumiencie.
— Vam i raniej davali takuju charaktarystyku ci tolki paśla taho, što adbyłosia? — pytajecca sudździa.
— Paśla, — kaža abvinavačany Krupa.
Z papiaredniaha miesca pracy, naadvarot, pra Siarhieja tolki stanoŭčyja vodhuki. Z ahučanych materyjałaŭ spravy ŭ sudzie, stanovicca viadoma: ekśpierty paśla trahiedyi ahladali kulamiot, jon byŭ niaspraŭnym. Jak adznačaje abvinavačvany, zbroja prybyła ź inšaj čaści i stralała z asiečkami z-za niaspraŭnaści, a nie tamu, što Krupa ź joj niapravilna abychodziŭsia
16 listapada ŭ chłopca zakančvajecca termin słužby, paśla vojska jon choča pracavać inkasataram. U ramkach rasśledavańnia kryminalnaj spravy ŭ radavoha aryštavali majomaść: kanapu, televizar, mikrachvalevuju pieč.
Kali vina namieśnika kamandzira bajavoj mašyny budzie dakazanaja, jamu pahražaje da 5 hadoŭ pazbaŭleńnia voli.
