Patryjarch Kirył acaniŭ čyściniu i paradak na vulicach Minska
Fota Dźmitryja Bruško
Patryjarch Kirył na sustrečy z Alaksandram Łukašenkam raspavioŭ pra svajo staŭleńnie da Biełarusi, a taksama adznačyŭ dasiahnieńni krainy ŭ stvareńni spryjalnych umoŭ dla žyćcia ludziej, piša BiełTA.
Pa słovach patryjarcha, ź Biełaruśsiu źviazanaja vialikaja častka jaho žyćcia. «I choć ja tut nie žyŭ, ale tranzitam praź Biełaruś ja pieramiaščaŭsia. Mahu paraŭnoŭvać, što było ŭ 90-ja hady, i što stałasia ciapier. Pieramieny vialikija», — skazaŭ jon.
Asabliva patryjarch adznačyŭ čyściniu i paradak na vulicach u stalicy. «Kali bačyš hetyja vielizarnyja prastory, napoŭnienyja pavietram, čyścinioj, pryhožyja vulicy, to razumieješ, što prezident i ŭłada źviartajuć asablivuju ŭvahu na jakaść žyćcia ludziej. Žyćcio ŭ vialikich haradach źviazana sa stresami, i kali ŭ horadzie stvarajecca takaja ŭtulnaja prastora dla žyćcia, to heta značyć, što pra ludziej dumajuć», — padkreśliŭ kiraŭnik RPC.
Na jaho dumku, u sučasnym śviecie vielmi šmat prablem, jakija vynikajuć ad technałahičnaha raźvićcia: «Chočam my ci nie, ale čałaviečaja cyvilizacyja raźvivajecca tak, što z-za hrachoŭnaha imknieńnia pavialičvać spažyvańnie vielmi mocna raźvivajecca pramysłovaść. Adsiul zabrudžvańnie asiarodździa i mnohaje takoje, što nanosić škodu čałavieku».
«Kłopat ułady ab navakolnym asiarodździ, kulturnym i duchoŭnym asiarodździ śviedčyć ab tym, što samyja hałoŭnyja i stratehičnyja mety i zadačy, ad jakich realna zaležyć budučynia čałaviectva, znachodziacca pad uvahaj ułady, — padkreśliŭ patryjarch Kirył. - Jakaść čałaviečaha žyćcia i vyznačaje pośpiech dziejnaści palityka. a ŭ jakaść ŭvachodzić nie tolki ŭzrovień zarpłaty, a ŭsio toje, što akružaje čałavieka, zabiaśpiečvaje jaho dabrabyt».
Jon taksama padziakavaŭ Alaksandru Łukašenku za dobryja adnosiny pa linii ŭładaŭ krainy i Biełaruskaj pravasłaŭnaj carkvy i padkreśliŭ ščaślivaje stanovišča relihijnaha žyćcia ŭ Biełarusi.
