Babič: Biudžet Biełarusi budzie atrymlivać myty ad 6 miljonaŭ ton rasijskaj nafty
Daručeńni Łukašenki i Pucina, dadzienyja imi 21 vieraśnia ŭ Sočy, vykanany ŭ poŭnym abjomie, i častka ź ich budzie dakumientalna zamacavana ŭ Mahilovie na Forumie rehijonaŭ dźviuch dziaržaŭ. Pra heta zajaviŭ siońnia pasoł Rasii ŭ Biełarusi Michaił Babič.
Fota: BiełTA.
U pryvatnaści, u Mahilovie padpisany bałansy ŭzajemnych pastavak sielskahaspadarčaj pradukcyi.
«Učora byli padpisanyja bałansy pastavak naftapraduktaŭ u Biełaruś», — skazaŭ Babič. Na prośbu raspavieści pra sutnaść hetych damoŭlenaściej, dypłamat skazaŭ, što «pra heta ŭsie raskažuć prezidenty».
Razam z tym Michaił Babič paćvierdziŭ, što biudžet Biełarusi i dalej budzie atrymlivać myty ad 6 miljonaŭ ton rasijskaj nafty.
«Damoŭlenaści ŭ hetaj častcy praciahvajuć dziejničać», — zajaviŭ pasoł.