U Bielhii za karupcyju aryštavali arbitra, jaki sudziŭ skandalny matč «Zienit» — «Dynama» (Minsk)
Karupcyjny skandał razharajecca ŭ bielhijskim futbole. Učora palicyja hetaj krainy praviała pieratrusy ŭ ofisach dziesiaci kłubaŭ, jany padazrajucca ŭ admyvańni hrošaj i arhanizacyi damoŭlenych matčaŭ.
Siebaśćian Delfierjer. Fota rsport.ria.ru.
Vobšuki prajšli navat u ofisach takich hrandaŭ bielhijskaha futboła, jak «Anderlecht» i «Bruhie». Pad razdaču taksama trapiŭ kłub «Łokieren», u jakim hulaje biełarus Anton Saroka.
Jašče adzin cikavy momant u hetaj historyi dla biełarusaŭ. Palicyja aryštavała futbolnaha arbitra Siebaśćiana Delfierjera, jon padazrajecca ŭ atrymańni chabaraŭ. Mienavita hety sudździa absłuhoŭvaŭ matč «Zienit» — «Dynama» (Minsk), što prachodziŭ u žniŭni ŭ Sankt-Pieciarburzie.
Minskaje «Dynama» ŭ hetaj hulni sastupiła ź likam 1:8, chacia ŭ pieršaj sustrečy atrymała pieramohu 4:0. Mnohija karystalniki internetu vykazvali mierkavańnie, što heta mahła być hulnia pa damoŭlenaści. Ale nijakich dokazaŭ hetaha niama.