Troje žycharoŭ Mahilova pamierli, atruciŭšysia nieviadomym rečyvam
Na minułym tydni ŭ mahiloŭskuju balnicu pastupili dvoje mužčyn, adnamu ź jakich 35 hadoŭ, druhomu — 37, z prykmietami mocnaha atručvańnia. Stan ich byŭ nastolki ciažkim, što jany nie zmahli patłumačyć, što mienavita adbyłosia.
69-hadovaja žycharka Mahilova, jakaja źviarnułasia pa dapamohu da miedykaŭ nieŭzabavie paśla ich, raspaviała: hetyja dvoje znajomych zaprasili jaje ŭ hości, dzie jany vypili na traich śpirtu. Paśla čaho joj stała vielmi drenna, piša sb.by.
Vyratavać ludziej miedyki nie zmahli - u vychodnyja ŭsie troje pamierli ŭ balnicy.
Aficyjny pradstaŭnik upraŭleńnia Śledčaha kamiteta pa Mahiloŭskaj vobłaści Siarhiej Bołsun udakładniŭ: «Sudova-miedycynskaja ekśpiertyza, jakaja dazvolić dakładna ŭstanavić, čym mienavita atrucilisia hetyja ludzi. Treba budzie taksama vyśvietlić, adkul byŭ zaviezieny vypity śpirt».
Mahiloŭskim mižrajonnym adździełam Śledčaha kamiteta zaviedziena kryminalnaja sprava pa artykule «Pryčynieńnie śmierci pa nieaściarožnaści dvuch i bolš asobaŭ».
