U Rumynii pravaliŭsia refierendum ab zabaronie adnapołych šlubaŭ
Refierendum pa źmienie kanstytucyi Rumynii, jaki pavinien byŭ pryvieści da zabarony adnapołych šlubaŭ u krainie, pravaliŭsia: centralnaje vybarčaje biuro Rumynii abjaviła, što na momant zakryćcia ŭčastkaŭ jaŭka skłała 20,41%.
U mai 2016 hoda hrupa hramadzianskich aktyvistaŭ, jakija ŭvachodziać u «Kaalicyju za siamju», uniesła ŭ rumynski parłamient prapanovu pa pryniaćci papraŭki da kanstytucyi, jakaja zabaraniaje adnapołyja šluby. U padtrymku prajekta było sabrana bolš za try miljony podpisaŭ. Aŭtary inicyjatyvy prapanoŭvajuć prapisać u kanstytucyi, što «siamja — heta šlub pamiž mužčynam i žančynaj». Ułady Rumynii vydzielili dla praviadzieńnia refierendumu dva dni - 6 i 7 kastryčnika.
Pa dadzienych, apublikavanych na sajcie CVB, da 21:00 druhoha dnia ŭ refierendumie pryniali ŭdzieł 20,41% miascovych žycharoŭ. Kab refierendum adbyŭsia, jaŭka pavinna była skłaści minimum 30%. Kančatkovyja dadzienyja buduć pradstaŭleny ŭ paniadziełak.