U Žłobinie, pakul piensijanierka chadziła na aharod, u jaje z chaty skrali $18 tysiač i 400 rubloŭ. Zładziejku znajšli praź miesiac

Miesiac spatrebiŭsia apieratyŭnikam, kab vyśvietlić padazravanuju ŭ kradziažy 18000 dalaraŭ ZŠA i 400 biełaruskich rubloŭ z doma piensijanierki, jakaja žyvie ŭ Žłobinie.

U vieraśni žančyna vyjšła z doma ŭ aharod, a dźviery na zamok nie začyniła. Kali viarnułasia ŭ žyllo, zrazumieła, što ŭ domie pabyvaŭ niechta čužy. Jana pravieryła svaju schovanku z hrašyma, ale nie znajšła ich tam. Pa dapamohu piensijanierka źviarnułasia ŭ milicyju.

Praź miesiac supracoŭniki kryminalnaha vyšuku zatrymali žycharku Žłobina 1985 hoda naradžeńnia. Častku vykradzienych hrošaj, 14350 dalaraŭ ZŠA, kanfiskavali i viarnuli paciarpiełaj. Raspačali kryminalnuju spravu pa artykule 205 KK Biełarusi.

Mikałaj Siemianiec, Novy dzień

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0