U Biełarusi startuje Tydzień suprać śmiarotnaha pakarańnia
Jak paviedamlaje pravaabarončy sajt www.spring96.org, 5 kastryčnika ŭ viciebskim bitłz-kłubie «Padstrešak» projdzie fiestyval «Rok za žyćcio». Muzyki hrup Re1ikt, Teleport, Nizkiz i «Raźbitaje serca pacana» vystupiać u padtrymku ŭviadzieńnia maratoryja na śmiarotnaje pakarańnie.
Apoŭdni 6 kastryčnika ŭ kaściole Najśviaciejšaj Panny Maryi ŭ vioscy Višnieva (Vałožynski rajon Minskaj vobłaści) projdzie imša, pryśviečanaja śviatomu Ambroziju Miedyjałanskamu, viadomamu, u tym liku svajoj pazicyjaj suprać pakarańniaŭ śmierciu. Pačatak a 12-j
7 kastryčnika fiestyval «Rok za žyćcio» pierajedzie ŭ Minsk. Na scenie staličnaha kłuba Re:Public vystupiać hurty Nizkiz, Teleport, SnopSnou, «Piatla Prychilnaści» i «Mutnajevoka». Pačatak u 17.30
8 kastryčnika ŭ minskaj adukacyjnaj prastory Punkt adbudziecca pakaz amierykanskaj dramy «Zabivańnie kamianiami Saraji M». U abmierkavańni kinastužki i situacyi sa śmiarotnym pakarańniem u Biełarusi voźmuć udzieł aktyvisty kampanii «Pravaabaroncy suprać śmiarotnaha pakarańnia» i vałanciorskaj słužby «Viasny». Pačatak a 19-j
9 kastryčnika ŭ homielskim Centry biełaruskaj movy pakažuć film «Hodnaja sprava». U kaviarni «Hnom» u Słucku ŭ hety dzień pakažuć kinastužku «Zmoŭščyca». Abodva filmy pryśviečanyja temie śmiarotnaha pakarańnia.
10 kastryčnika ŭ pasolstvie Litvy ŭ Minsku adkryjecca vystava «Kožny maje prava viedać svaje pravy». U ramkach vystavy mastačka Taćciana Tur zładzić pierformans, pryśviečany prablemie vyšejšaj miery pakarańnia, pakutam rodnych i blizkich ludziej, asudžanych na śmierć. Pačatak u 18.00
Uviečary taho ž dnia ŭ mahiloŭskim centry «Koła» adbudziecca forum-teatr «Kula ad hramadstva».
Akramia taho, u Suśvietny dzień suprać śmiarotnaha pakarańnia biełaruski pravaabaronca Valancin Stefanovič vystupić na hetuju temu ŭ Kamitecie pa pravavych pytańniach i pravach čałavieka PASIE ŭ Strasburhu.
