Łoś spravakavaŭ masavaje DTZ u Bresckaj vobłaści
Fota DAI Bresckaj vobłaści
Avaryja z udziełam niekalkich aŭtamabilaŭ adbyłasia ŭ Kobrynskim rajonie z-za łasia, paviedamili BIEŁTA ŭ DAI Bresckaj vobłaści.
Avaryja adbyłasia 2 kastryčnika ŭ 19.25 na aŭtadarozie M1 / Je30. 48-hadovy žychar Biarozy na Mercedes-Benz Sprinter kala 19.00 ruchaŭsia z boku Bresta ŭ napramku Minska. Na 95-m km jon urezaŭsia ŭ łasia, spyniŭ ruch i vystaviŭ znak avaryjnaha spynieńnia.
Pierad žyviołaj spyniŭsia aŭtamabil Fiat Punto, za rulom jakoha znachodziŭsia 28-hadovy žychar Žabinki. U lehkavik ŭrezaŭsia aŭtamabil Opel Vectra pad kiravańniem 60-hadovaha žychara Ivacevičaŭ. Z-za sutyknieńnia Fiat Punto vyjechaŭ na pałasu sustrečnaha ruchu i ŭrezaŭsia ŭ aŭtamabil DAF, za rulom jakoha znachodziŭsia 56-hadovy žychar Małaryty.
U vyniku DTZ kiroŭca i 25-hadovaja pasažyrka aŭtamabila Fiat Punto, a taksama kiroŭca aŭtamabila DAF z traŭmami špitalizavany ŭ Kobrynskuju balnicu.
