Mužčyna nie zmoh narmalna pamianiać padhuzak synu ŭ prybiralni i raspačaŭ fłešmob za raŭnapraŭje baćkoŭ
Žychar Fłarydy Donte Pałmier niadaŭna razam z žonkaj i tryma dziećmi naviedaŭ restaran. Kali synu spatrebiłasia pamianiać padhuzak, jon padradziŭsia zrabić heta sam, ale sutyknuŭsia sa ciažkaściami: mužčynskija prybiralni vielmi redka abstalavanyja spavivalnymi stolikami. I hety restaran nie staŭ vyklučeńniem.
Donte pryjšłosia rabić heta na kukiškach, a jašče paklikać pa dapamohu druhoha syna, paviedamlaje BuzzFeed. Toj i sfatahrafavaŭ baćku ŭ niazručnaj pozie, jakaja ŭ vyniku stała ilustracyjaj da jaho publikacyi-abureńnia ŭ instahramie:
«Čamu ŭ mužčynskich tualetach niama spavivalnych stałoŭ, byccam [tat, jakija hetym zajmajucca] nie isnuje?». «My bolš, čym prosta abaroncy. My tyja, chto vozić kalaski i ŭstaje ŭ čatyry ranicy, kab padahravać butelečki».
Amierykaniec zaklikaŭ da raŭnapraŭja ŭ adnosinach da baćkoŭ, i ciapier pad chešteham #squatforchange vychodziać inšyja historyi tat z usiaho śvietu, jakija sutykajucca z takimi samymi niazručnaściami ŭ žyćci.
Prablema adsutnaści takich stolikaŭ aktualnaja i dla Biełarusi. Chacia ŭ nas ich pakul možna sustreć daloka nie va ŭsich žanočych prybiralniach.
