«Ty nastupnaja»: jašče adnoj irakskaj madeli pahražajuć śmierciu
Irakskaja madel Šajma Kasem baicca za svajo žyćcio: na minułym tydni ŭ Bahdadzie zastrelili byłuju «Mis Bahdad» Taru Fares, a ciapier Kasem pahražajuć, što jana «budzie nastupnaj».
Šajma Kasem — «Mis Irak — 2015». U jaje 2,7 miljona padpisčykaŭ u instahramie.
Pra toje, što joj pahražajuć, Kasem raskazała ŭ emacyjnym žyvym efiry na jutubie. Madel kaža, što joj prychodziać paviedamleńni z tekstam «ty nastupnaja».
Paśpiachovych irakskich žančyn mohuć «pierarezać jak kurej», skazała jana i paprasiła abarony ŭ palicyi.
U minuły čaćvier, 27 vieraśnia, Irak uzrušyła zabojstva Tary Fares, papularnaj madeli, błohiera i pieramožcy konkursu «Mis Bahdad». U Fares było amal try miljony padpisčykaŭ u instahramie. Pierad zabojstvam jana taksama skardziłasia na pahrozy.
Čytajcie taksama: U Iraku zabili byłuju mis Bahdad. Mahčyma, što za FOTY ŭ instahramie
