Nobieleŭskaja premija pa miedycynie prysudžana za terapiju raku
U Stakholmie abvieščana imia ŭładalnika Nobieleŭskaj premii pa miedycynie i fizijałohii.
BREAKING NEWS
The 2018 #NobelPrize in Physiology or Medicine has been awarded jointly to James P. Allison and Tasuku Honjo “for their discovery of cancer therapy by inhibition of negative immune regulation.” pic.twitter.com/gk69W1ZLNI
Nobieleŭskuju premiju pa miedycynie atrymali amierykaniec Džejms Elisan i japoniec Tasuku Chondzio za revalucyjnuju mietodyku imunaterapii rakavych zachvorvańniaŭ z vykarystańniem T-kletak.
Im udałosia vyjavić, što imunitet pacyjenta možna «nastroić» na baraćbu z ankałahičnym zachvorvańniem.
Zvyčajna imunnaja sistema samastojna šukaje ŭ našym arhaniźmie kletki, što mutavali, i źniščaje ich, nie dajučy razmnožvacca. Adnak rakavyja kletki znajšli sposab abychodzić hetuju naturalnuju abaronu, što dazvalaje puchlinie chutka raści.
Mnohija vidy raku robiać heta, aktyvujučy miechanizm, jaki «supakojvaje» imunnyja kletki paśla ataki — tak u zdarovym arhaniźmie rehulujecca siła i praciahłaść imunnaha adkazu.
Adkryćcio Elisana i Chondzio zrabiła revalucyju ŭ lačeńni rakavych zachvorvańniaŭ i lehła ŭ asnovu novaha kłasa lekavych preparataŭ, jakija nie dazvalajuć błakavać imunny adkaz. U vyniku arhanizm zmahajecca z kletkami-mutantami naturalnym šlacham.
Pakul što ŭ hetych lekaŭ niamała pabočnych efiektaŭ, adnak jany dakazali svaju efiektyŭnaść u baraćbie z ankałohijaj. U niekalkich vypadkach daktaram udałosia vylečyć pacyjentaŭ navat na poźniaj stadyi raku, jakija da hetaha ličylisia nievylečnymi.
U aŭtorak budzie nazavana imia łaŭreata pa fizicy, u sieradu pa chimii. U piatnicu — premii miru. Litaraturny Nobiel sioleta nie budzie prysudžacca.