Šalonaja lisa napała na chatnich žyvioł u Łunincy
Archiŭnaje fota
U Łunincy šalonaja lisa napała na chatnich žyvioł, paviedamiŭ BIEŁTA kiraŭnik Łuninieckaj rajonnaj vieterynarnaj stancyi Ivan Vaniuk.
Incydent adbyŭsia dniom 23 vieraśnia. Drapiežnica błukała pa vulicach Francyska Skaryny, Družnaj, Bahdanava, pakusała niekalki chatnich sabak, katoŭ, zahryzła kurej. Miascovyja žychary paviedamili pra heta ŭ MNS, vietsłužbu. Śpiecyjalisty apieratyŭna prybyli na miesca, usypili lisu i žyvioł, što ź joj kantaktavali (sa zhody haspadaroŭ).
Byŭ uziaty bijałahičny materyjał, jaki adpravili na daśledavańnie ŭ Bresckuju abłasnuju vieterynarnuju łabaratoryju. Analiz pakazaŭ, što lisa była chvoraja na šalenstva. U adpaviednaści z sanitarnymi i vieterynarnymi praviłami ŭ miežach vulic, dzie chadziła dzikaja žyvioła, na miesiac budzie ŭviedzieny karancin.
