Vasil Palakoŭ syšoŭ z pasady staršyni AHP, na jakoj pabyŭ usiaho dva z pałovaj miesiacy
Staršynia partyi AHP Vasil Palakoŭ syšoŭ z kiraŭnictva arhanizacyi. Jon byŭ abrany 8 lipienia 2018 hoda, źmianiŭšy na pasadzie Anatola Labiedźku.
«Pa zakančeńni dvuch miesiacaŭ paśla źjezda staršynia zrabiŭ zajavu ab tym, što nie ŭ poŭnaj miery ŭjaŭlaŭ sabie najaŭnyja ŭ partyi prablemy i tyja novyja vykliki, jakija stajać pierad partyjaj i pierad im. Situacyju pahoršyła niemahčymaść jaho pierajezdu z Homiela ŭ Minsk. 23 vieraśnia jon źviarnuŭsia da Palitrady partyi z zajavaj ab składańni paŭnamoctvaŭ staršyni AHP. Palitrada AHP pryniała adstaŭku Vasila Palakova», — havorycca ŭ paviedamleńni partyi.
Vasil Palakoŭ. Fota svaboda.org.
Chto taki Vasil Palakoŭ? Jamu 49 hadoŭ. Rodam z Husaraŭki Rečyckaha rajona, tam vučyŭsia ŭ škole. Potym pastupiŭ u Homielski ŭniviersitet na histaryčny fakultet. Skončyŭ aśpiranturu pa śpiecyjalnaści «Palityčnaja navuka». Dvanaccać hadoŭ adpracavaŭ nastaŭnikam u škole, potym syšoŭ u hramadskuju dziejnaść. Palakoŭ — lidar demakratyčnaj supolnaści Homiela.
U AHP jon pryjšoŭ u 1996 hodzie, napiaredadni refierendumu. «Było jasna, što ŭ Biełarusi zhortvajecca navat taja kvołaja demakratyja, što isnavała dahetul, tamu mnie pryncypova stać siabram apazicyjnaj partyi».
Vykanaŭcam abaviazkaŭ staršyni staŭ były milicyjant Mikałaj Kazłoŭ.
