Ukraina zapatrabavała ad Rasii publična admovicca ad vybaraŭ u «DNR» i «ŁNR»
Vice-śpikier Viarchoŭnaj Rady Ukrainy i ŭpaŭnavažanaja prezidenta krainy Piatra Parašenki pa mirnym urehulavańni kanfliktu na Danbasie Iryna Hieraščanka zajaviła, što Kijeŭ patrabuje ad Rasii publična admovicca ad praviadzieńnia vybaraŭ u samaabvieščanych Danieckaj (DNR) i Łuhanskaj (ŁNR) narodnych respublikach. Pra heta ŭ sieradu, 19 vieraśnia, jana napisała ŭ svaim Facebook.
«Siońnia - pasiadžeńnie rabočych hrup [pa ŭrehulavańni kanfliktu] ŭ Minsku. Napiaredadni ŭkrainskija deputaty sustrelisia z pradstaŭnikom ABSIE ŭ trochbakovaj kantaktnaj hrupie Marcinam Sajdzikam i źviarnuli jaho asablivuju ŭvahu na niedapuščalnaść praviadzieńnia lubych fejkavych vybaraŭ, jakija nie adpaviadajuć z ukrainskim zakanadaŭstvam, na terytoryi ARDŁA (akupavanyja rajony Danieckaj i Łuhanskaj abłaściej)», - paviedamiła jana.
Hieraščanka dadała, što deputaty źviarnulisia da Sajdzika z prośbaj pastavić pytańnie ab niedapuščalnaści vybaraŭ, zapłanavanych na listapad, a taksama zajavili, što Kijeŭ čakaje reakcyi Maskvy adnosna hetaha pytańnia..
