19 vieraśnia ŭ Minsku — prezentacyja hlancavaha numara Arche pra BNR
Siadziba TBM (Rumiancava, 13). 19:00. Uvachod volny.
19 vieraśnia (sierada) na siadzibie Tavarystva biełaruskaje movy (Rumiancava, 13) adbudziecca prezentacyja ŭnikalnaha vypusku Arche — «Historyja BNR u karcinkach».
Hety numar vyklikaŭ vysokuju cikavaść dy ŭžo staŭ adnym z samych chutka pradavanych vypuskaŭ Arche.
Numar prymierkavany da 100-hadovaha jubileju abviaščeńnia Biełaruskaj Narodnaj Respubliki. Jon vydadzieny całkam u kolery. Faktyčna heta ŭnikalny tematyčny fotaalbom.
U im drukujucca sotni aŭtentyčnych fotarepradukcyjaŭ, jakija ilustrujuć roznyja aśpiekty dziejnaści BNR: partrety jejnych lidaraŭ, dakumienty (ustaŭnyja hramaty, pašparty, adozvy, abviestki). Dajucca faksimile piačatak, marak, paštovak dy inšaj aŭtentyčnaj atrybutyki.
Vydańnie dazvalaje čytaču pahłybicca ŭ śviet BNR i Aktu 25 sakavika 1918 hoda. U im raskryvajucca temy, jakija zastajucca nadzvyčaj aktualnymi ŭ Biełarusi i praz sto hadoŭ. Šmat jakija ilustracyi drukujucca ŭpieršyniu.
U sustrečy voźmie ŭdzieł šef-redaktar Alaksandr Paškievič i historyk Uładzimier Lachoŭski.
Uvachod volny
Daviedki pa telefonie: (29) 550-79-69.
