U Niamieččynie ciahnik na vadarodnym palivie vykanaŭ pieršy rejs
Pieršy ŭ śviecie ciahnik na vadarodnych paliŭnych elemientach Coradia iLint vykanaŭ u niadzielu, 16 vieraśnia, svoj testavy rejs u Bremierfiordzie (ziamla Nižniaja Saksonija). Užo z 17 vieraśnia jon vyjdzie na standartny maršrut i źviaža hety horad z Kukschafienam, Bremierchafienam i Bukstechude, paviedamlaje DW.
Na dachu ŭstanoŭlena cysterna z vadarodnym palivam i paliŭny elemient. Jon pieraŭtvaraje enierhiju vadarodu ŭ elektryčny tok i nie škodzić navakolnamu asiarodździu. Ciahnik u stanie raźvić chutkaść da 140 kiłamietraŭ u hadzinu. Na adnoj zapraŭcy Coradia iLint moža pieraadoleć da tysiačy kiłamietraŭ.
Ciahnik na vadarodnych paliŭnych elemientach Coradia iLint. Fota: Alstom.
Transpartny srodak byŭ raspracavany i vyrableny ŭ niamieckim horadzie Zalchicer francuzskaj kampanijaj Alstom — jeŭrapiejskim pieršaprachodcam u halinie vysakachutkasnych elektraciahnikoŭ.
Z 2021 hoda 14 takich ciahnikoŭ buduć vykonvać rehularnyja rejsy pa maršrucie Bukstechude — Kukshafen.
Ziamielnaje transpartnaje ministerstva płanuje ŭ najbližejšaj budučyni całkam zamianić dyzielnyja rehijanalnyja ciahniki vadarodnymi. Raniej paviedamlałasia, što na hetyja mety vydzielena 81,3 miljona jeŭra.