Źniščalny supiertajfun pieramiaściŭsia ź Filipin u Kitaj

Tajfun «Manhchut» abrynuŭsia na paŭdniovy Kitaj paśla taho, jak prynamsi 64 čałavieki zahinuli ad jaho na Filipinach, paviedamlajuć infarmahienctvy.

Bolš za 2,4 miljona čałaviek pakinuli svaje damy ŭ pravincyi Huandonh na poŭdni Kitaju. Amal 50 tysiač rybackich sudnaŭ viarnulisia ŭ party.

Na Filipinach akramia prynamsi 64 zahinułych jašče niekalki dziasiatkaŭ čałaviek źnikli bieź viestak, paviedamlaje Associated Press sa spasyłkaj na ŭłady krainy.

Ad stychii paciarpieli nia mienš za 5,7 miljona čałaviek. Pavodka, vyklikanaja tajfunam, razburyła sotni damoŭ na vyspach, a taksama niekalki aeraportaŭ.

Bolš za ŭsio paciarpieli hornyja rajony, dzie mocnyja daždžy spravakavali apoŭźni. Tam chutkaść vietru dasiahała 145 km/h.

0

0

0

0

0

0