Narviehija da 2040 hoda piarojdzie na vykarystańnie elektryčnych samalotaŭ
Narviežski ŭrad paabiacaŭ, što da 2040 hoda ŭsie paloty miascovych avijalinij krainy buduć ažyćciaŭlacca na samalotach, ruchaviki jakich pracujuć na elektryčnaści. Dla suśvietnaj avijacyjnaj haliny heta stanie sapraŭdnaj revalucyjaj, paviedamlaje BBC Future.
Fota: Zunum Aero.
Sioleta ŭ lipieni Kiecił Sołvih-Olsen, ministr transpartu Narviehii, i Dah Falk-Pietersan, dyrektar Avinor, kampanii pa ekspłuatacyi aeraportaŭ, sumiesna ździejśnili palot na elektryčnym samalocie.
Na vačach žurnalistaŭ jany ŭcisnulisia ŭ kabinu dvuchmiesnaha samalocika Alpha Electro G2, pabudavanaha słavienskaj Pipistrel.
Ministr i dyrektar kampanii Avinor ździejśnili hety palot nie dla zabavy — hetym była padkreślena surjoznaść płanaŭ Narviehii ŭ budučyni radykalna źnizić vuhlarodnyja vykidy ŭ atmaśfieru.
Urad krainy maje namier da 2040 hoda zrabić tak, kab usie miascovyja avijapieraloty, jakija ździajśniajucca z aeraportaŭ krainy, ažyćciaŭlalisia na elektryčnych samalotach.
Heta adzin z samych radykalnych płanaŭ pa źnižeńni ŭ atmaśfiery abjomaŭ parnikovych hazaŭ, za vykid jakich adkaznaja suśvietnaja avijacyja.
Jość tolki adna surjoznaja pieraškoda: elektryčnych samalotaŭ pamieram sa standartny avijałajnier pakul nie pabudavana.
Rynak aparataŭ, zdolnych lotać na elektryčnaści, ciapier pradstaŭleny tolki maleńkimi madelami.
Tak, naprykład, u toj madeli, na jakoj para narviežcaŭ lotała nad Osła, ledź chapaje miesca dla dvuch darosłych (pry hetym Sołvih-Olsen i Dah Falk-Pietersan pryznalisia, što pierad palotam siadzieli na strohaj dyjecie).
Adnak, jak ličyć Falk-Pietersan, takoje stanovišča vielmi chutka źmienicca.
Narviehija — vydatnaje miesca dla takich ekśpierymientaŭ. Bolšaja častka pavierchni hornaja, la ŭźbiarežža — mnostva vyspaŭ, i ŭ suviazi z hetym ažyćciaŭlajecca vielmi šmat palotaŭ na karotkija adlehłaści (kampanija Avinor absłuhoŭvaje 46 aeraportaŭ).
Pierajezdy pa šašy, čyhuncy abo pa mory, jak praviła, zajmajuć bolš času, čym karotki pieralot, asabliva ŭzimku, kali śnieh i lod mohuć pieraškadžać.
Narviehija chacieła b, kab vytvorcy prapanavali elektrasamaloty na 25-30 miescaŭ, kab uvieści ŭ ekspłuatacyju pieršyja ź ich užo ŭ 2025 hodzie.
Pavietranamu sudnu, jaki pieravozić dziasiatki pasažyraŭ i ich bahaž, nieabchodna vialikaja kolkaść enierhii dla ŭźlotu i samoha palotu. Siońniašnija avijałajniery, viadoma, lahčejšyja i bolš ekanamičnyja, čym samaloty minułaha, ale ni adno paliva, akramia ciapierašniaha avijacyjnaha paliva, nie maje enierhajomistaści, nieabchodnaj u avijacyi.
Viadoma, elektryčnaść možna zachoŭvać u batarejach, ale da apošniaha času ličyłasia, što ich spatrebicca tak šmat, što ich vaha nie dazvolić maleńkamu samalotu ŭźlacieć.
Jak ličyć Falk-Pietersan, całkam imavierna, što pieršaje pakaleńnie «zialonych» narviežskich samalotaŭ budzie vykarystoŭvać hibrydnyja ruchaviki. Heta prykładna taja ž sistema, što i ŭ papularnaha aŭtamabila Toyota Prius, mienavita ź jaje pačaŭsia ruch u bok całkam elektryčnych aŭtamabilaŭ.
