Urad pakul nie płanuje pavyšać piensijny ŭzrost
Urad Biełarusi nie razhladaje pytańnie ab dalejšym pavyšeńni piensijnaha ŭzrostu, zajaviŭ pieršy namieśnik premjer-ministra Biełarusi Alaksandr Turčyn, piša Radyjo Svaboda.
«U ciapierašni čas situacyja składvajecca takim čynam, što z kožnym hodam kolkaść ludziej piensijnaha ŭzrostu na adnaho pracoŭnaha pavialičvajecca. Razam z tym urad nie razhladaje pytańnie pavyšeńnia piensijnaha ŭzrostu», — skazaŭ Turčyn padčas rabočaj pajezdki ŭ Homielskuju vobłaść.
«Što tyčycca ŭzroŭniu piensij, dyk u hetym hodzie nieadnarazova pavyšali ich pamiery. Płanujem zachoŭvać siaredni pamier pracoŭnych piensij na ŭzroŭni 40% ad siaredniaj zarabotnaj płaty pa krainie», — dadaŭ Turčyn.
Ad 1 studzienia 2017 hoda prezidenckim ukazam praduhledžana štohadovaje paetapnaje pavyšeńnie piensijnaha ŭzrostu z 60 da 63 hadoŭ u mužčyn i z 55 da 58 hadoŭ — u žančyn. Taksama planujecca pastupovaje pavyšeńnie hraničnaha ŭzrostu znachodžańnia na vajskovaj słužbie.
