Pryvozim u Minsk redakcyju Wonderzine — raskazvajem padrabiaźniej, chto heta
Tydzień tamu my anansavali, što razam z Pres-kłubam ładzim adkrytuju sustreču z žurnalistkami rasijskaha vydańnia Wonderzine: redaktarkaj rubryki «Žyćcio» Sašaj Savinaj, bjuci-redaktarkaj Marharytaj Viravaj i dyrektarkaj dystrybucyi Ksienijaj Piatrovaj. Adbudziecca jana 24 vieraśnia ŭ 19.00 pa adrasie: vulica Viery Charužaj, 3-60.
Užo ŭ pieršy dzień na padzieju zarehistravałasia kala 100 čałaviek, ale vy jašče možacie źviedać udaču i dałučycca da našaj dyskusii (rehistracyja pa hetaj spasyłcy).
Nahadajem, što spračacca (ci nie) my budziem nakont taho, jakim pavinna być sučasnaje vydańnie dla žančyn.
Hości padzielacca svaim pohladam na fieminiscki paradak dnia i prablemy žančyn u Rasii i SND. Nas čakaje abmierkavańnie jak minimum nastupnych tem:
Saša Savina, redaktarka raździeła «Žyćcio»:
«Emacyjnaje porna: jak pisać na sacyjalnyja temy karektna i pry hetym nie manipulavać čytačom».
Ksiuša Piatrova, redaktarka rostu i dystrybucyi:
«Jak pisać pra ŁHBTKIA + čamu fieminisckamu vydańniu heta nieabchodna»;
«Što rabić, kali ŭ vas kłasnyja teksty, ale ich nichto nie čytaje».
Marharyta Virava, bjuci-redaktarka:
«Jakija źmieny adbylisia ŭ vydańniach ab pryhažości i styli z papularyzacyjaj fieminizmu»;
«Jak paźbiahać łukizmu i dyskryminacyi ŭ materyjałach pra cieła, źniešnaść i makijaž».
Pra vydańnie
Sajt Wonderzine źjaviŭsia ŭ miedyjaprastory piać hadoŭ tamu i adrazu vyłučyŭsia na fonie inšych ruskamoŭnych vydańniaŭ svaim padychodam da temaŭ. Kamanda vyjšła daloka za miežy pryhažości, kuchni, adnosin i śvieckaj chroniki.
Cajt naležyć niezaležnamu rasijskamu vydavieckamu domu Look At Media, jaki, akramia Wonderzine, vypuskaje (vypuskaŭ) internet-hazietu pra žyćcio horada The Village, moładzievy internet-časopis FURFUR i inšyja.
Na momant zapusku, letam 2013 hoda, u kamandzie Wonderzine było 10 čałaviek. Siońnia ŭ asnoŭnym składzie redakcyi 15 čałaviek, jakija kirujuć vialikaj sietkaj pazaštatnych aŭtaraŭ. Sajt maje piać asnoŭnych rubryk («Žyćcio», «Zdaroŭje», «Pryhažość», «Zabavy», «Styl»), u kožnaj jość svoj redaktar.
Wonderzine imkniecca hladzieć na žančyn biez stereatypaŭ. Kali zirnuć na apošnija najbolš papularnyja materyjały na sajcie, stanovicca vidavočna, što partał pa-inšamu padaje zvykłyja dla «žanočaha» hlancu temy. Ci ŭvohule piša pra toje, pra što inšyja nie navažvajucca:
«Arhazm ad piatki: Jak masturbirujuć roznyja žančyny»,
«Siabroŭki niaviesty: čamu dziavočnik usio jašče isnuje»,
«Kidaj na pałovie darohi: čamu nieabaviazkova davodzić pačataje da kanca»,
«Štučnaja matka i UHD u telefonie: jakoj budzie ciažarnaść budučaha».
Bonus
My ładzim hetaje mierapryjemstva pry padtrymcy našych partnioraŭ, jakija da taho ž abiacajuć padarunki na samoj sustrečy.
Pradstaŭniki kampanii «Mebla, što raście» razyhrajuć nastolnuju lampu siarod samych aktyŭnych haściej sustrečy.
Supracoŭniki CeramoHeatpryjduć na imprezu sa svaim infračyrvonym abahravalnikam — syści ź im dadomu moža luby z vas!
Sałon akularaŭ «Zołuška», što na praśpiekcie Niezaležnaści, 16, razyhraje siarod prysutnych siertyfikaty sa źnižkami na akulary i linzy. A kampanija«Alivaryja» pačastuje ŭsich nas smačnymi biezałkaholnymi napojami.
Da sustrečy!