Pamočnik Pucina paabiacaŭ novamu kiraŭniku «DNR» padtrymku
Pamočnik prezidenta Rasii Uładzisłaŭ Surkoŭ, jaki kuryruje ŭrehulavańnie kanfliktu na Danbasie, pavinšavaŭ v.a. kiraŭnika «Danieckaj narodnaj respubliki» (DNR) Dzianisa Pušylina z pryznačeńniem na pasadu. Pra heta paviedamlaje Danieckaje ahienctva navin.
«Hałasavańnie prademanstravała vysoki ŭzrovień palityčnaj kultury, salidarnaść i rašučaść naroda Danbasa praciahnuć baraćbu za mir i pravy hramadzian na hodnaje žyćcio», - padkreśliŭ Surkoŭ.
Jon pažadaŭ Pušylinu pośpiechaŭ na svajoj pasadzie i zapeŭniŭ jaho ŭ svajoj padtrymcy. Akramia hetaha pamočnik rasijskaha lidara vykazaŭ nadzieju na toje, što novy kiraŭnik DNR praciahnie palityčny kurs svajho papiarednika Alaksandra Zacharčanki, zabiaśpiečyć pierajemnaść i paśladoŭnaść va ŭnutranaj i źniešniaj palitycy rehijonu.
