Pieršuju partyju jadziernaha paliva dla Astravieckaj AES vyrabiać da kanca vieraśnia
Novasibirski zavod chimkancentrataŭ (PAO «NZCHK»; uvachodzić u paliŭnuju kampaniju Rasatama «ciepłavydzialajučych elemientaŭ») vyrabić pieršuju partyju jadziernaha paliva dla Biełaruskaj AES da kanca vieraśnia hetaha hoda, paviedamiŭ biełaruskim ŚMI namieśnik hienieralnaha dyrektara - dyrektar pa vytvorčaści PAO «NZCHK» Dźmitryj Davydaŭ, pieradaje BiełTA.
Hetaja partyja budzie pryznačana dla pastaŭki na pieršy enierhabłok. Jaje vytvorčaść pačałosia na zavodzie ŭ Novasibirsku letam hetaha hoda. U reaktar buduć źmieščany 163 ciepłavydzialalnyja zborki (TVZ), jašče 17 - reziervovyja. U kožnaj z takich paliŭnych kasiet vahoj bolš za 700 kh pa 312 ciepłavydzialalnych elemientaŭ (CVEŁ) z abałonkami z cyrkonijevaha spłavu, a ŭ adnym CVEŁ 350 tabletak dyjaksidu ŭranu. Častka partyi ŭžo padrychtavana i znachodzicca ŭ transpartna-ŭpakovačnych kantejnierach.
Pieršaja partyja budzie dastaŭlena na placoŭku Biełaruskaj AES da kanca hetaha hoda. Dla transparciroŭki z Novasibirska ŭ Astraviec budzie zadziejničany čyhunačny transpart. Maršrut hruzu nie abnarodujecca, jaho budzie supravadžać achova.
Pa prybyćci na stancyju pradstaŭniki zakazčyka i kampanii - vytvorcy paliva praviaduć uvachodny kantrol, kab pierakanacca, što transparciroŭka nie paŭpłyvała na funkcyi paliva.
Pierad zahruzkaj jadziernaha paliva ŭ reaktar buduć zahružanyja imitatary TVZ - tak zvanaja imitacyjnaja zona ŭžo dastaŭlena na BiełAES. Hetaja apieracyja źviazana z praviadzieńniem hidraŭličnych vyprabavańniaŭ i patrebna, kab pravieryć režym pracy roznych sistem reaktara.
Biełaruskaja AES budujecca pa typavym rasijskim prajekcie VVER-1200 pakaleńnia «3+» kala Astraŭca (Hrodzienskaja vobłaść). Pieršy enierhabłok płanujecca ŭvieści ŭ ekspłuatacyju u 2019 hodzie, druhi - u 2020-m. Pieršaja pastaŭka jadziernaha paliva na stancyju zapłanavana da kanca 2018 hoda.