Rumas i Miadźviedzieŭ abmierkavali handlova-ekanamičnaje supracoŭnictva
U paniadziełak premjer-ministry Rasii i Biełarusi Dźmitryj Miadźviedzieŭ i Siarhiej Rumas abmierkavali pa telefonie aktualnyja pytańni handlova-ekanamičnaha supracoŭnictva, uzajemadziejańnia ŭ ramkach Sajuznaj dziaržavy i Jeŭrazijskaha ekanamičnaha sajuza, paviedamiła pres-słužba ŭrada Rasii.
Akramia taho, Rumas i Miadźviedzieŭ abmierkavali hrafik budučych rasijska-biełaruskich kantaktaŭ.
Jak niadaŭna raspaviadaŭ kiraŭnik Biełarusi, jon damoviŭsia z Uładzimiram Pucinym u Sočy, «što litaralna ŭ najbližejšyja niekalki dzion my znojdziem mahčymaść … i sustreniemsia ŭ šyrokim farmacie, i heta była jaho prapanova — Uładzimira Uładzimiraviča Pucina, — pašyranym za košt pradstaŭnikoŭ našych uradaŭ».
Papiaredniaj dataj takoj sustrečy kiraŭnikami dziaržaŭ paznačana 21 vieraśnia.
Siarhiej Rumas taksama padziakavaŭ Dźmitryju Miadźviedzievu za vinšavańni, pieradadzienyja ŭ suviazi z pryznačeńniem na pasadu premjer-ministra Biełarusi.
Pavodle źviestak Biełstata, u pieršym paŭhodździ 2018 hoda ekspart tavaraŭ u Rasiju skłaŭ 6,4 miljardaŭ dalaraŭ, pavialičyŭšysia na 4,8%, impart - 11,1 młrd dalaraŭ (+ 24,4%). Salda skłałasia admoŭnaje 4,7 młrd dalaraŭ (u minułym hodzie - 2,8 młrd dalaraŭ). Vartasnyja abjomy ekspartu ŭ Rasijskuju Fiederacyju pavialičylisia pa ŭsich hrupach tavaraŭ, za vyklučeńniem enierhietyčnych i charčovych.
