U niamieckim Chiemnicy pačalisia masavyja chvalavańni paśla zabojstva mihrantami hramadzianina Hiermanii
Paśla zabojstva hramadzianina Hiermanii — jak miarkujecca, biežancami — u Chiemnicy na ŭschodzie Hiermanii pačalisia chvalavańni, paviedamlaje DW.
U noč z suboty na niadzielu ŭ Chiemnicy zabili 35-hadovaha hramadzianina Hiermanii. Zahinuŭ jon u vyniku bojki, u jakoj udzielničali, jak zajaviła miascovaja palicyja, da 10 čałaviek roznych nacyjanalnaściej. Paźniej palicyja aryštavała dvuch padazravanych — vychadcaŭ ź Siryi i Iraku.
Na nastupny dzień paśla zabojstva — u niadzielu, 26 žniŭnia, — u Chiemnicy adbylisia dva spantannyja mitynhi. Pieršy — pa inicyjatyvie miascovaha adździaleńnia pravaj partyi «Alternatyva dla Hiermanii» — prajšoŭ na miescy bojki. Pryjšli kala sta čałaviek. Uskłali kvietki, zrabili niekalki pramoŭ i razyšlisia pa damach.
Uviečary ŭ paniadziełak, 27 žniŭnia, u Chiemnicy znoŭ adbylisia biesparadki, vyklikanyja sutyknieńniami levych i pravych radykałaŭ.
Na vulicy horada ŭviečary ŭ paniadziełak vyjšli niekalki tysiač čałaviek. Siarod ich byli jak pravapapulisty z haradskoha ruchu Pro Chemnitz («Za Chiemnic»), jakija zaklikali razabracca ź mihrantami, tak i levyja aktyvisty z sajuza Chemnitz Nazifrei («Chiemnic biez nacystaŭ»).
U niejki momant nacyjanalisty, mnohija ź jakich vyjšli na vulicu ŭ śpiecyjalnych maskach i bałakłavach, zakryvali tvary, pačali zakidvać palicyju i svaich apanientaŭ «piratechnikaj i inšymi spadručnymi srodkami». Palicyja ŭ adkaz vykarystała vadamioty.
Palicyja Chiemnica čakaje paŭtareńnia antymihranckich akcyj u najbližejšy čas.
