Žarko, Siamaška, Kabiakoŭ… Kaho Łukašenka adpraviŭ u adstaŭku: śpis
Siońnia Alaksandr Łukašenka zładziŭ kadravy pieratrus, adpraviŭšy ŭ adstaŭku častku ŭrada na čale z premjeram Andrejem Kabiakovym, a taksama čatyroch ź piaci namieśnikaŭ premjera. Premjeram pryznačany Siarhiej Rumas.
Tak u adstaŭku adpraŭlenyja namieśniki premjera Vasil Maciušeŭski (jaho miesca zojmie Alaksandr Turčyn), Uładzimir Siamaška (jaho miesca zojmie Ihar Lašenka), Anatol Kalinin (stanie Uładzimir Kucharaŭ), Vasil Žarko (Ihar Pietryšenka).
Zastaŭsia pry pasadzie tolki Michaił Rusy.
Adpraŭlenyja ŭ adstaŭku ministr architektury Anatol Čorny (jaho miesca zojmie Dźmitryj Mikulonak), ministr pramysłovaści Vital Voŭk (stanie Pavieł Uciupin), ministr suviazi Siarhiej Papkoŭ (stanie Kanstancin Šulhan), ministr ekanomiki Uładzimir Zinoŭski (stanie Dźmitryj Krutoj), kiraŭnik Dziaržaŭnaha vajenna-pramysłovaha kompleksa Aleh Dvihaloŭ (stanie Raman Hałoŭčanka).