«Dochłyja pacuki, preziervatyvy i inšaja narkata!» Źjaviłasia bolš poŭnaja VIDEAviersija razborak u Łukašenki
Telekanał STB apublikavaŭ pašyranuju videaviersiju narady ŭ Oršy, jakuju pravodzili Alaksandr Łukašenka i členy ŭrada.
U siužet uvajšli častki, jakija nie byli pakazanyja ŭ navinach inšych telekanałaŭ.
«Ja vas papiaredžvaŭ: pracavać tam treba, jak u vajenny čas. I Šejmana tudy pasłaŭ, jaki ničoha nie zrabiŭ u płanie kantrolu. Ničoha! Hienierał! — kryčaŭ Łukašenka. —
Pajechaŭ u Barań. A kali pajšli nie pa maršrucie, žančyna, kiraŭnik zavoda, praviała ŭ niekatoryja kabiniety technałahičnych pavierchaŭ, dzie ludzi pracujuć, žach prosta. Dochłyja pacuki, myšy, preziervatyvy i inšaja narkata. I vy mnie niešta raskazvajecie?! Pytajusia, što z hetym budynkam? Bo supierbudynak, takich niama ŭ krainie. Mnie adkazvajuć: «Heta my na prodaž, heta pad buldozier». A vyznačana była zadača, što ŭsie pamiaškańni pavinny być zadziejničany».
Dastałasia i Viktaru Šejmanu, paplečniku Łukašenki jašče z 1990-ych. Jon vystupaŭ z dakładam ab vykananaj pracy.
«Praanalizujem publična, što tam zroblena? Hrošy dali, ilhoty dali, adterminoŭku, rasterminoŭku. Tydzień pracy! I kali heta zroblena, pytańnie, kali ja ŭ krasaviku 2017 hoda pastaviŭ zadaču. Sfarmavanyja pieraliki nieefiektyŭnaha vykarystańnia majomaści! Heta značyć na list napisali, što pad buldozier, što pradadzim».
