«Ukantakcie» dazvolić rabić profili karystalnikaŭ zakrytymi
Sacyjalnaja sietka «Ukantakcie» anansavała funkcyju poŭnaj pryvatnaści profilaŭ. Karystalniki zmohuć zakryć svoj akaŭnt ad inšych asob.
Na praciahu miesiaca kampanija dadaść mahčymaść całkam zakryć svoj profil ad inšych karystalnikaŭ, pakinuŭšy jaho adkrytym tolki dla siabroŭ. Taksama «Ukantakcie» prybiare adlustravańnie śpisa ludziej, jakija zrabili repost taho ci inšaha dopisu. Hetaja statystyka zastaniecca dastupnaj tolki aŭtaru publikacyi.
Sacyjalnaja sietka matyvavała takija dziejańni tym, što ŭ Rasii staŭ bolš žorstkim kantrol z boku pravaachoŭnikaŭ i šmatlikich internet-karystalnikaŭ sudziać za łajki i reposty miemaŭ.
Čaściakom dziejańni rasijskich pravaachoŭnych orhanaŭ vidavočna nie adpaviadajuć patencyjnaj pahrozie, a ich reakcyja na zapisy ŭ kamientarach abo miemy ŭ stužcy akazvajecca niematyvavana žorstkaj.
