Łukašenka: «Zienit» pryjechaŭ z «raspalcoŭkaj», a «Dynama» — małajcy
Łukašenka vykazaŭsia nakont pieramohi minskaha «Dynama» nad pieciarburhskim «Zienitam» u Lizie Jeŭropy, piša BiełTA.
«Jany padaryli śviata ŭsioj krainie. Małajcy! Jany zmahalisia da kanca. My bačyli, u jakim stanie hety «Zienit» byŭ. Niekatoryja hulcy ŭžo na karačkach chadzili», — adznačyŭ Łukašenka.
«Što zrabili ŭčora minčuki! Jany prosta małajcy! Tut šapkazakidalnictvam nie treba zajmacca. Heta jany hulali nie ź miljanierami, a ź miljarderami! Heta — hałoŭny kłub «Hazproma», hałoŭnaje dziecišča ich. Heta pa-pieršaje. Pa-druhoje, u ich siezon tolki pačaŭsia. Pa-treciaje, jany z raspalcoŭkaj pryjechali, i, tak adčuvaju, niedaacanili minčukoŭ. Nu i, pa-čaćviortaje, Boh byŭ na našym baku, tamu što miačy takija zabivali, što časam prosta šancavała. A šancuje najmacniejšym», — skazaŭ Łukašenka.
