U Rasii stvaryli «viečny» jadzierny reaktar dla padłodak
U Rasii stvaryli i vyprabavali ŭnikalnuju aktyŭnuju zonu jadziernaha reaktara z resursam na ŭvieś žyćciovy cykł atamnych padvodnych łodak (APŁ), piša ria.ru.
Aktyŭnaja zona — heta «serca» reaktara. Jana źmiaščaje jadziernaje paliva, i mienavita ŭ centralnaj vobłaści adbyvajecca kiravanaja łancuhovaja reakcyja.
Raspracoŭka pradpryjemstva «OKBM Afrikantov» aznačaje, što atamnym padvodnym łodkam nie patrebna budzie pierazaradka jadziernaha paliva.
Jak adznačyŭ były kamandujučy Paŭnočnym fłotam RF admirał Viačasłaŭ Papoŭ, pierazaradku na fłocie nazyvajuć «apieracyjaj numar adzin» i jana zajmaje bolš za miesiac. Na hety čas bajavy skład fłotu skaračajecca na adzinku, dadaŭ Papoŭ.
«OKBM Afrikantov» (Nižni Noŭharad) - adno ź viadučych pradpryjemstvaŭ rasijskaj atamnaj haliny. Jano ŭvachodzić u mašynabudaŭničy dyvizijon «Rasatama» — chołdynh «Atomenierhamaš». «OKBM Afrikantov» zajmaje viadučyja pazicyi ŭ stvareńni reaktarnych ustanovak roznaha typu i pryznačeńnia i aktyŭnych zon jadziernych reaktaraŭ.
