Žychar Rečycy napisaŭ zajavu na «moŭnaha inśpiektara» Słučaka… za abrazu biełaruskaj movy
Supracoŭnik rečyckaj milicyi Alaksiej Cimoščanka paviedamiŭ Iharu Słučaku, što adzin ź miascovych žycharoŭ uhledzieŭ abrazu biełaruskaj movy ŭ klipie, dzie Słučak vystupaje ŭ jakaści akciora. I napisaŭ adpaviednuju zajavu ŭ milicyju z prośbaj pryciahnuć «moŭnaha inśpiektara» da adkaznaści pa artykule 9.22 (parušeńnie zakanadaŭstva ab movach).
Havorka pra davoli śpiecyfičnaje videa na pieśniu «Baćka Ŭ», što źjaviłasia na jutub-kanale hramadskaj dziajački Aliny Nahornaj niekalki miesiacaŭ tamu. Alina — aŭtarka słoŭ, jana ž i śpiavaje ŭ roliku.
U klipie raspaviadajecca pra toje, jak juryst Ihar Słučak, viadomy abaronca biełaruskaj movy, raźbirajecca z tymi, chto jaje abražaje. Słučak vykonvaje rolu samoha siabie, a voś jaho apanientaŭ hrajuć Stanisłaŭ Šašok i Hryša Iharkoŭ — muzyki minskaha hurta «Čas Łajna».
U druhim kuplecie pieśni «Baćka Ŭ» rytoryka nasamreč anałahičnaja toj, za jakuju sam Ihar Słučak raniej pryciahvaŭ inšych da adkaznaści. Adnak pry kancy pieśni pakarańnie, praduhledžanaje artykułam 9.22, čaroŭnym čynam biełarusizuje hierojaŭ.
Tekst pieśni:
1) Słučak išoŭ pa vulicy dadomu
I pabačyŭ hetych chłapcoŭ.
«Jakaja vašaja mova?» —
Zapytaŭ Słučak u chłapcoŭ.
Mova — rasiejskaja
Tata — Uładzimir Pucin.
Mova — rasiejskaja
Tata — Uładzimir Pucin.
2) Usie jany pisali «Ukantakcie»,
Što biełaruskaja mova haŭno,
Što biełaruskaja mova pamierła
Užo daŭnym-daŭno.
3) Davoli viasiołuju štuku
Zrabiŭ Słučak z tymi chłapcami…
Pryciahnuŭ ich pa 9-2-2 —
Jany štraf zapłacili rublami.
Bo:
Mova ŭ nas biełaruskaja
A baćka — Bułak-Bałachovič.
Mova ŭ nas biełaruskaja
A baćka — Bułak-Bałachovič.
Ciapier milicyja vyśviatlaje, ci sapraŭdy ŭ klipie była abražanaja biełaruskaja mova, ci, naadvarot, jaje takim čynam abaraniajuć.