Sieviarynca asudzili na dziesiać sutak za abaronu Kurapataŭ
Sud Frunzenskaha rajonu pakaraŭ Paŭła Sieviarynca, adnaho ź lideraŭ pratestaŭ suprać restaracyi «Pojediem pojedim» la Kurapataŭ, piša radyjo «Svaboda».
Sam Pavieł Sieviaryniec na pasiedžańnie sudu nie pryjšoŭ. Sud paličyŭ znachodžańnie Sieviarynca la restaracyi sa ściaham niesankcyjanavanym pikietam i pakaraŭ jaho na 10 sutak aryštu.
Sieviaryniec zajaviŭ Svabodzie, što ličyć hety prysud biezzakońniem, što ŭłady takim čynam chočuć źbić chvalu pratestu suprać restaracyi la Kurapataŭ.
Sieviaryniec bližejšym časam čakaje svajho zatrymańnia.
Užo raniej jon atrymaŭ štraf pamieram 50 bazavych vieličyniaŭ za ŭdzieł u presavaj kanferencyi kala bramy restaracyi «Pojediem pojedim», jakuju sud nazvaŭ pikietavańniem. Sud tady pryznaŭ jaho vinavatym pavodle č. 3 art. 23.34 KaAP «Parušeńnie paradku arhanizacyi ci praviadzieńnia masavaha mierapryjemstva».
Pavał Sieviaryniec — adzin ź inicyjataraŭ tak zvanaj «kurapackaj varty». Jon amal štodnia dziažuryć kala restaracyi. U pačatku lipienia Sieviaryniec byŭ siarod vaśmi zatrymanych aktyvistaŭ. Za pikiet u Kurapatach jon pravioŭ 10 sutak za kratami.
Raniej u subotu kala restaracyi «Podiem pojedim» zatrymali aktyvista Maksima Viniarskaha. Jon užo adbyvaje 10 sutak u izalatary časovaha ŭtrymańnia na vulicy Akreścina ŭ Miensku.
Ahułam sudy zaviali ŭžo bolš za 140 administracyjnych spraŭ na hramadzian, jakija pratestavali suprać adkryćcia restaracyi «Pojediem pojedim».