Kryštapovič vydaliŭ sa svajho sajta materyjał, u jakim biełarusaŭ padzialili na «ruskich» i «prapolskich iudaŭ»
Z sajta «Teleskop», jaki redahujecca zachodnierusistam i supracoŭnikam Biełaruskaha dziaržaŭnaha ŭniviersiteta kultury i mastactvaŭ Lvom Kryštapovičam, źnik materyjał rasijskaha šavinista Kiryła Aviarjanava «Zachavać Rasii Biełuju Ruś».
Aproč inšaha, u tekście pravodziłasia dumka, što Biełaruś — heta «ruskaja ziamla», na jakoj žyvuć «abo ruskija», «abo prapolskija ijudy».
Čytajcie taksama: Sajt Kryštapoviča: «Biełarusija — heta ruskaja ziamla. Na joj žyvuć ci ruskija, ci prapolskija iudy»
Materyjał byŭ apublikavany 27 lipienia i byŭ napisany ŭ stylistycy skandalnych tekstaŭ «rehnumaŭcaŭ», asudžanych u Minsku za raspalvańnie nacyjalnalnaj varažniečy.
Zrešty, chacia materyjał i vydaleny z sajta, ale ŭ kešy pošukavych sistem jon zachavaŭsia.
Nakolki možna mierkavać pa dopisach u sacyjalnych sietkach, niekatoryja hramadzianie źviarnulisia ŭ siłavyja struktury i Ministerstva infarmacyi z prośbami dać kvalifikacyju apublikavanamu tekstu.
