Jak prachodziać śvinhierskija viečaryny ŭ Minsku: uražańni ŭdzielnika
Milicyja ŭvarvałasia na viečarynu śvinhieraŭ u katedžy ŭ Baraŭlanach pad Minskam. Ci raspaŭsiudžanaja heta źjava dla biełaruskaj stalicy? Jak tut prachodziać śvinhierskija viečaryny? Pra heta «NN» na ŭmovach ananimnaści pahadziŭsia raskazać adzin z udzielnikaŭ takich zabavaŭ.
Ilustracyjnaje fota.
«Naša Niva»: Jak možna trapić na śvinhierskuju viečarynu?
I: Jość internet z roznymi sajtami. Sacyjalnyja sietki, na jakich treba pravieści peŭnuju kolkaść času. Napisać patrebnym ludziam — i ŭsio. Zrešty, zaležyć ad taho, chto ty. Kali ty dziaŭčyna — kłasna, kali vy siamiejnaja para — to nijakich prablem, kali ty adzinoki chłopiec, to musiš zapłacić hrošy.
«NN»: Heta vialikija hrošy?
I: Heta spraviadlivyja sumy. Prastytutki kaštujuć daražej. Havorka pra 50—100 dalaraŭ.
Pišaš Ukantakcie ci dzie jašče arhanizataram. Voś hetyja ludzi z «Kazanova», to ich rekłamaj byli zabityja tematyčnyja sajty, supołki ŭ sacyjalnych sietkach. Jany rabili vielmi šmat zaprašeńniaŭ. Jany ładzili samyja bujnyja ŭ Minsku viečaryny, ale nie adzinyja.
«NN»: A ich mnoha pravodzicca?
I: Nu voś «Kazanova», a taksama jašče dvoje arhanizataraŭ. Ale ŭ ich mienšyja. Tut havorka pra adkrytyja viečaryny, dzie jość peŭny kamiercyjny aśpiekt. Ale ž jość jašče mnostva viečaryn, dzie ŭdzielničajuć prosta znajomyja, siabry. Jany nidzie nie rekłamujucca. Nichto tudy nie zaprašajecca. Trapić tudy možna tolki pa zaprašeńni.
Jość jašče viečaryny ŭ saŭnach, heta nie zusim pra śvinhierstva, chutčej pra nudystaŭ. Ale tam byvaje seks. Prosta zdarajecca, što chtości kamuści padabajecca, čamu b nie zaniacca seksam. Usio, jak u žyćci. Pry hetym jany ničoha nie płaciać. Prosta skidvajucca na apłatu saŭny. Sami nabyvajuć ałkahol, nijakaj kamiercyjalizacyi tam niama.
«NN»: U Minsku šmat śvinhieraŭ?
I: Niekalki tysiač čałaviek.
«NN»: Što heta za ludzi?
I: Zvyčajnyja ludzi z poštaj na mail.ru. Mierčendajziery, kiroŭcy i h.d. Ja čakaŭ, što tam buduć tatujavanyja ludzi, jakija jeździać na adpačynak u Tajłand, majuć šalonyja pryčoski. Ale heta zusim nie tak. Heta absalutna zvyčajnyja ludzi, jakija ŭklučajuć radyjo «Šanson». Voś jedzieš u mietro, hladziš na ludziej, i luby ź ich moža być udzielnikam śvinhierskaj viečaryny.
Siamiejnyja pary, naprykład, płaciać tolki za ałkahol na takija mierapryjemstvach. Adzinokim dziaŭčatam uvohule nie treba płacić, chacia takich małavata. Što tyčycca chłopcaŭ, to heta ž vydatki nie štotydzień. Tam amal nielimitavany ałkahol, jość ježa. Tyja samyja 75 dalaraŭ možna lohka addać u kłubie ŭ vychadny dzień.
«NN»: Seks ža nichto nie harantuje na takich mierapryjemstvach?
I: Tak, heta praŭda. Nakolki ja viedaju, to niama taho, što arhanizatary najmajuć dziaŭčat, jakija b akazvali pasłuhi. Na 95% upeŭnieny, što heta niapraŭda. Heta nie maje nijakaha sensu.
Tudy chodziać ludzi, jakim padabajecca seks. Ale jość praviły, što seks nikomu nie harantavany, jon musić być biaśpiečnym, tam jość achoŭniki. Usio ŭ ramkach prystojnaści, kali takoje možna skazać pra hrupavy seks.
«NN»: Heta adbyvajecca na vačach va ŭsich?
I: Jość miescy, dzie možna być tolki ŭdvaich. Ja byvaŭ na maleńkaj viečarynie ŭ kvatery, tam asabliva nie znojdzieš miesca dla adasableńnia. Kali heta katedž, to tam jość varyjanty. Dyk sens ža takich mierapryjemstvaŭ navat nie ŭ seksie ŭdvaich, a ad traich i bolej udzielnikaŭ. Tamu pra jakoje adasableńnie možna kazać?
«NN»: Žančyn tam mieniej, čym mužčyn?
I: Nu tak, mieniej. Ale heta nie takija viečaryny, jany taksama byvajuć, dzie, naprykład, piatnaccać mužčyn i adna žančyna. I šmat kamu takoje padabajecca. Vielmi časta, što na takich viečarynach adziny mužčyna, jaki adkazvaje za biaśpieku žančyny, — heta jaje muž. Častka ludziej ličyć vialikim kajfam, što muž rychtuje žonku da takich mierapryjemstvaŭ. Uvohule ž arhanizatary starajucca trymać bałans, kab usich było adnolkava.
«NN»: Kolki moža być partnioraŭ u čałavieka za takuju viečarynu?
I: Abmiežavańniaŭ niama. Ale ja nie čuŭ, kab u Minsku byli bi-viečaryny, dzie možna i z chłopcami, i ź dziaŭčatami. U nas vielmi kansiervatyŭnaje hramadstva. I choć hetyja ludzi adkrytyja da seksu, siarod ich vielmi šmat hamafobaŭ. Vielmi časta prapisvajecca, što nie moža być nijakich kantaktaŭ miž mužčynami. Takim čynam kolkaść partnioraŭ možna vyličyć, padzialiŭšy kolkaść udzielnikaŭ na dva. A voś leśbijski seks vitajecca. Usim padabajecca, kali žančyny całujucca, a nie chłopcy. Abmiežavańni — tolki tvaje mahčymaści i charyzma.
«NN»: Usie prychodziać tolki dziela seksu?
I: Nie byvaje adnolkavych ludziej. Niekatoryja prychodziać prosta pahladzieć, jak heta adbyvajecca. Chtości budzie zajmacca seksam tolki sa svaim mužam, ale im padabajecca, što pobač ludzi, jakija hladziać na ich. Jość šmat varyjantaŭ.
«NN»: Raniej heta taksama ŭsio było na paŭlehalnym stanoviščy?
I: Nu, kaniečnie. Nichto ŭ ciabie nie patrabuje daviedki ab stanie zdaroŭja. Abaviazkova patrebnyja tolki preziervatyvy. Usie ž darosłyja ludzi. Tyja ž «Kazanova», ź imi ty abaviazkova musiŭ sustrecca pierad viečarynaj. Prosta skazać, što ja zapłaču ŭ dva razy bolej, ale prydu biez papiaredniaj sustrečy, nielha. Jany robiać taki fejs-kantrol papiarednie. Ja razmaŭlaŭ z «Kazanovaj», ale na sustreču nie pajšoŭ. Bo padumaŭ, što doraha. Biaspłatny hrupavy seks taksama ž možna znajści.
«NN»: U susiednich krainach jak z hetym spravy?
I: Usio raźvita ŭ dziasiatki razoŭ bolej. Mnostva kłubaŭ, mierapryjemstvaŭ. U Minsku, kali paru čałaviek i robić na katedžach viečaryny, to heta nieparaŭnalna z Varšavaj, Maskvoj, Kijevam. Tam usio viesialej. I śvinhiery ź Minska z radaściu vyjazdžajuć za miažu.
