Asnoŭnyja źmieny zakona ab ŚMI ŭstupajuć u siłu z 1 śniežnia
Zakon «Ab uniasieńni źmianieńniaŭ i dapaŭnieńniaŭ u niekatoryja zakony Respubliki Biełaruś», nakiravany na ŭdaskanaleńnie pravaadnosin u miedyjaśfiery, aficyjna apublikavany siońnia na Nacyjanalnym pravavym internet-partale.
Asnoŭnyja źmieny ŭstupajuć u siłu z 1 śniežnia. Pašyrany paniacijny aparat zakona ab ŚMI — jon dapaŭniajecca terminami «sietkavaje vydańnie», «uładalnik internet-resursu», «internet-resurs» i inšymi. Internet-resursy, jakija zajmajucca raspaŭsiudam masavaj infarmacyi, atrymlivajuć mahčymaść prachodzić dziaržaŭnuju rehistracyju dla taho, kab stać sietkavym vydańniem. Jaho supracoŭniki buduć karystacca takimi ž pravami, jak i žurnalisty tradycyjnych ŚMI. Pry hetym dziaržrehistracyja budzie nasić dobraachvotny charaktar.
Upieršyniu ŭ zakonie ab ŚMI vyznačajucca pravy i abaviazki ŭładalnika internet-resursaŭ. U liku abaviazkaŭ — identyfikacyja karystalnikaŭ.
Akramia taho, prapanujecca abaviazać uładalnikaŭ internet-resursaŭ analizavać ich źmiest, nie dapuskać raźmiaščeńnia infarmacyi, raspaŭsiudžvańnie jakoj zabaroniena, abmiežavana, a taksama materyjałaŭ, jakija źmiaščajuć niecenzurnyja słovy i vyrazy.
Pašyrany pieralik vidaŭ infarmacyi, raspaŭsiudžvańnie jakoj zabaroniena. Da takoj dadatkova adniesiena infarmacyja, jakaja zaachvočvaje da samahubstva, nienaležnaja rekłama. Razmova taksama idzie ab infarmacyi pra sposaby vyrabu vybuchovych pryład i vybuchovych rečyvaŭ.
Pad abaronaj piersanalnyja dadzienyja niepaŭnaletnich, jakija paciarpieli ŭ vyniku supraćpraŭnych dziejańniaŭ: proźvišča, imia, imia pa baćku, data naradžeńnia, miesca žycharstva i vučoby, fota i videa dziciaci, jaho baćkoŭ.
U zakonie praduhledžany vyraznyja patrabavańni ŭ častcy zabieśpiačeńnia abjomu telepieradač biełaruskaj (nacyjanalnaj) vytvorčaści. Havorka idzie pra 15% na praciahu šaści miesiacaŭ i 30% — za dva hady.
Akramia taho, kankretyzavany paradak zasnavańnia, dziaržaŭnaj rehistracyi i pierarehistracyi ŚMI, udakładnieny padstavy dla admovy ŭ ich.
