Va Ukrainie raźbiŭsia turaŭtobus ź biełarusami, jakija viartalisia z adpačynku: piać čałaviek zahinuli
U Mikałajeŭskaj vobłaści Ukrainy rejsavy mikraaŭtobus Adesa — Homiel z numarami Homielskaj vobłaści urezaŭsia ŭ hruzavik, zahinuli piać čałaviek, paviedamili ŭ palicyi Mikałajeŭskaj vobłaści.
Trahiedyja adbyłasia kala 5 hadzin ranicy 20 lipienia na trasie Kijeŭ — Adesa kala pasiołka Kryvoje Voziera. Rejsavy mikraaŭtobus «Adesa - Homiel» urezaŭsia ŭ hruzavik, jaki, pa papiarednich dadzienych, stajaŭ z pravaha boku prajeznaj častki z-za niaspraŭnaści.
«Z pryčyny DTZ kiroŭca i čaćviora pasažyraŭ mikraaŭtobusa zahinuli na miescy, jašče 12 pasažyraŭ ź cialesnymi paškodžańniami roznaj stupieni ciažkaści dastaŭleny ŭ miedycynskuju ŭstanovu. Vyśviatlajucca dadzienyja paciarpiełych», - kažuć u palicyi.
Vyśviatlajucca abstaviny ździajśnieńnia darožna-transpartnaha zdareńnia, razhladajecca pytańnie ab kryminalnaj spravie.
U MZS Biełarusi paćvierdzili, što ŭ DTZ u Mikałajeŭskaj vobłaści zahinuli 5 čałaviek, 12 znachodziacca ŭ balnicy, 3 ź jakich u ciažkim stanie.
«Pasolstva Biełarusi va Ukrainie znachodzicca ŭ kantakcie ź miascovymi ŭładami i palicyjaj. Prymajucca ŭsie nieabchodnyja miery», - paviedamiŭ TUT.BY pres-sakratar viedamstva Anatol Hłaz.
