Sud u Hiermanii pastanaviŭ vydać Pučdemona
Hienprakuratura hiermanskaj fiederalnaj ziamli Šleźvih-Halštejn u najbližejšy čas uchvalić vydaču Ispanii byłoha kiraŭnika katałonskaha ŭrada Karlesa Pučdemona. Pra heta paviedamiła ŭ čaćvier žurnalistam pradstaŭnik instancyi.
«Hienprakuratura ŭ chutkim časie ŭchvalić vydaču», - skazała jana.
Raniej u čaćvier Vyšejšy ziamielny sud Šleźviha-Halštejna dazvoliŭ vydać Ispanii Pučdemona, ale tolki pa abvinavačvańni ŭ rastracie dziaržsrodkaŭ. Sud adchiliŭ mahčymaść jaho vydačy pa artykule «Padbuchtorvańnie da buntu». Ciapier u Ispanii jaho nie zmohuć sudzić pavodle hetaha abvinavačańnia.
Pučdiemon źbieh u Brusel ź Ispanii ŭ kancy kastryčnika 2017 hoda paśla praviadzieńnia refierendumu ab vychadzie Katałonii sa składu karaleŭstva i abviaščeńnia parłamientam rehijonu niezaležnaści. 25 sakavika jon byŭ zatrymany ŭ Hiermanii na šlachu ź Finlandyi ŭ Bielhiju paśla vydačy ispanskim sudom jeŭrapiejskaha ordara na jaho aryšt pa abvinavačvańniach u padbuchtorvańni da buntu i rastracie dziaržsrodkaŭ.
Zaraz palityk znachodzicca ŭ FRH. Pavodle rašeńnia hiermanskaha sudu jaho vypuścili na volu pad zakład u € 75 tys.