Vałožyncy zahinuli ŭ avaryi pad Smalenskam — zzadu ŭrezałasia fura, kiroŭca jakoj prosta zasnuŭ
Masavaje DTZ z udziełam troch fur i mikraaŭtobusa adbyłosia ŭ noč na 5 lipienia na trasie ŭ Safronaŭskim rajonie, što na Smalenščynie.
Jak raspaviadajuć vidavočcy, avaryja zdaryłasia kala posta DZIBDR pierad śvietłaforam.
Fura, jakaja ruchałasia napieradzie, rezka spyniłasia i zzadu ŭ jaje urezaŭsia mikraaŭtobus, a zatym jašče dva trejlery.
«Kabinu Volvo nie tak mocna padušyła, a DAF naohuł vyviarnuła, šmat palicejskich, usio zaharodžana, ad lehkavika ničoha nie zastałosia, adny trupy», — paviedamlajuć miascovyja žychary.
Pres-słužba rehijanalnaha MNS paćviardžaje najaŭnaść paciarpiełych.
Padrabiaznaści avaryi vyśviatlajucca, piša sajt smolensk-i.ru.
U hety ž dzień u supołcy «Typovy Vałožyn» «Ukantakcie» źjaviłasia nastupnaje paviedamleńnie:
«Pajšoŭ z žyćcia moj siabar, Illa Žukaviec, siońnia ranicaj u aŭtakatastrofie pad Smalenskam jon stajaŭ na śvietłafory pierad furaj, a kiroŭca inšaj fury, jakaja jechała za im, zasnuŭ, i zacisnuŭ. Ź im jašče byŭ naparnik, mianuška Ciška, imia nie pamiataju, jon taksama zahinuŭ».