Novy kandydat u śmiarotniki: minčuk zhvałciŭ dziaŭčynu, a kab nie pajšła ŭ milicyju, zabiŭ i schavaŭ trup u kanapu
Adbyłosia ŭsio jašče ŭ lutym 2017 hoda. U pačatku lipienia SK skončyŭ rascledavańnie spravy.
20-hadovaja dziaŭčyna vypivała razam z čatyrma mužčynami ŭ Minsku na kvatery adnaho ź ich. Ranicaj dziaŭčyna paviedamiła trom mužčynam, što ich 47-hadovy siabar nočču jaje zhvałciŭ i ciapier jana źbirajecca ŭ milicyju. Toj paprasiŭ siabroŭ vyjści z kuchni, maŭlaŭ, kab «razrulić» kanflikt.
Kali mužčyny vyjšli, minčuk pačaŭ pahražać dziaŭčynie nažom. Paśla pačaŭ źbivać jaje i dušyć kavałkam drota. U vyniku — zabiŭ.
Paśla jon pakłaŭ cieła dziaŭčyny ŭ kanapu i prapanavaŭ siabram vyvieźci trup na lecišča. Ale tyja pajšli ŭ milicyju.
Abvinavačany niekalki dzion chavaŭsia ŭ Lidskim rajonie, ale paśla sam pryjšoŭ da milicyjantaŭ. U pakazańniach jon spačatku tłumačyŭ, što byŭ u stanie afiektu, bo dziaŭčyna patrabavała ź jaho hrošy «za maŭčańnie». A paśla mužčyna pačaŭ śćviardžać, što zabojstva ŭvohule ździejśniŭ nie jon.
Ciapier sprava pieradadziena ŭ sud. Mužčyna praciahvaje znachodzicca pad vartaj. Ekśpiertyzy pakazali, što ŭ stanie afiektu jon nie byŭ.
Minčuku pahražaje najvyšejšaja miera pakarańnia.