Na trasie pad Minskam dva kiroŭcy šturchalisia svaimi mašynami VIDEA
Razborki na darozie adbyvalisia 21 červienia kala 12.00 niepadalok ad DAI Minskaha rajona.
Videa dasłaŭ u redakcyju abw.by Rusłan, adzin z udzielnikaŭ kanfliktu.
Jak bačna na zapisie, jon ruchaŭsia pa krajniaj levaj pałasie, što, mabyć, i vyvieła ź siabie kiroŭcu «Opiela».
«Pierada mnoj mašyna, a sprava ravarysty — heta vidać na videa. Jon nie vytrymaŭ i pa abočynie abahnaŭ, «padrezaŭ» tak, što ja ledź u jaho nie ŭjechaŭ. A kali ja jaho dahnaŭ, jon znoŭ pačaŭ «vučyć», ale ŭžo žorstka, nie dajučy abahnać», — kamientuje Rusłan.
«Sprava skončyłasia tym, što ja jamu pakazaŭ spynicca. Jon spyniŭsia, ja padyšoŭ i skazaŭ, što kali jon taki haračy, to chaj razhonicca i ŭjedzie ŭ słup — praź jaho «vučobu» mahli paciarpieć inšyja ludzi. Da majho ździŭleńnia, jon vioŭ siabie vielmi spakojna. U vyniku my raźjechalisia, ale ŭ DAI ja napisaŭ zajavu i pradastaviŭ videa — takich biezadkaznych ludziej treba karać», — dadaŭ Rusłan.
