Łukašenka zajaviŭ ab pačatku kropkavaj pryvatyzacyi sielhaspradpryjemstvaŭ
Pra heta kiraŭnik krainy zajaviŭ na naradzie ŭ Škłoŭskim rajonie, piša BiełTA.
«Prajšło kala 15 hadoŭ paśla taho, jak była pryniata prahrama madernizacyi našaj vioski i APK. Siońnia paŭstała pytańnie, a što dalej, jak žyć dalej. Ja nie prychilnik, kab pryvatyzavać kałhasy i saŭhasy. Ale, dumaju, na mianie sialanie nie pakryŭdziacca, kali ja budu kropkava prymać rašeńni ab pryvatyzacyi — pradavać, puskać pryvatnika ŭ sielskuju haspadarku, — skazaŭ Łukašenka. — Tamu što 20 hadoŭ ja vam daŭ času — vyznačalny. I toj, chto choča pracavać na ziamli biez «pamieščyka», toj siońnia pracuje. A chto nie choča, nu ŭžo prabačcie. Dziaržava na plačach nie moža vas nieści ci nie pavinna nieści».
«Tamu my nie suprać, kab siudy pryjšoŭ pryvatny kapitał. Ale pad žaleznuju ŭmovu. I maja žaleznaja ŭmova — kab tut nie byŭ pakryŭdžany čałaviek. Jon pavinien prychodzić na pracu, technałahična zabiaśpiečvać praces, atrymlivać naležnuju zarpłatu», — zajaviŭ jon.
