Łukašenka — jeŭrakamisaru Chanu: My chacieli b mieć ź ES takija adnosiny, jakim by zajzdrościli navat krainy ES
president.gov.by
Alaksandr Łukašenka vysoka acaniŭ rolu jeŭrakamisara pa palitycy susiedstva i pieramoŭ ab pašyreńni ES Jochanesa Chana ŭ narmalizacyi adnosin Biełarusi i Jeŭrasajuza. Pra heta jon zajaviŭ 21 červienia na sustrečy ź Jo.Chanam u Minsku, paviedamlaje pres-słužba kiraŭnika krainy.
Alaksandr Łukašenka padziakavaŭ jeŭrakamisaru «za ŭdzieł u palityčnym, ekanamičnym raźvićci Biełarusi». «Vaša rola značnaja, pierš za ŭsio tamu, što asnoŭnyja našy partniory — Jeŭrapiejski sajuz i Rasija, — skazaŭ jon. — U tym, što ŭ nas praciahvajecca narmalizacyja adnosin, i, napeŭna, jany vyjšli na niejki ŭzrovień stabilnaści — vializnaja vaša zasłuha».
Alaksandr Łukašenka padkreśliŭ važnaść taho, što ES — najbližejšy susied Biełarusi. «A z susiedziami, pakolki jany ad boha, treba siabravać, vybudoŭvać partniorskija adnosiny. Dyk voś, my ni ŭ jakim razie nie śpiašalisia, nie abiacali vam taho, čaho my nie možam zrabić. Vy pryhladalisia da nas, my pryhladalisia da Jeŭrapiejskaha sajuza, — praciahnuŭ kiraŭnik dziaržavy. — i ŭ siłu transfarmacyj i ŭ nas, i ŭ vas my pryniali rašeńnie, što niadobra nam hladzieć adzin na adnaho praz aharodžu i žyć, kosa pazirajučy adzin na adnaho. my vyrašyli iści nasustrač adzin adnamu, adnaŭlać siabroŭskija, partniorskija adnosiny».
«My nie prasilisia ŭ Jeŭrasajuz, ale my chacieli b, kab u nas ź ES byli takija adnosiny, jakim by, moža być, zajzdrościli navat krainy ES. I kali Jeŭrapiejski sajuz na heta hatovy, my svoj šlach hatovyja prajści», — zapeŭniŭ Alaksandr Łukašenka.
