U Biełaruś sprabavali trapić pa pašparcie «hramadzianina Arktyki»
Biełaruskija pamiežniki časam sutykajucca z sprobami pierasiačeńnia miažy pa pašpartach nieisnujučych dziaržaŭ. Pra heta paviedamiŭ siońnia žurnalistam namieśnik načalnika ŭpraŭleńnia papiaredniaha rasśledavańnia i pravavoha zabieśpiačeńnia apieratyŭnaj dziejnaści Dziaržaŭnaha pahraničnaha kamiteta Biełarusi Alaksiej Syciankoŭ.
«Dziaržaŭnaja miaža bačyła niamała cikavych vypadkaŭ. U nas byli sproby pierasiačeńnia pa pašpartach «hramadzianina śvietu», «hramadzianina Arktyki «i padobnym. Cikava, što niekatoryja takija pašparty vykanany jakasna, navat z elemientami abarony, - raspavioŭ Alaksiej Syciankoŭ. - Šmat było vypadkaŭ pierasiačeńnia miažy biez pašpartoŭ, asabliva kali pačalisia padziei va Ukrainie.
Niaredkija vypadki, kali zamiežniki sprabujuć ŭjechać na terytoryju Biełarusi pa falšyvych pašpartach abo z prykmietami častkovaj padrobki.