Dziarždepartament ZŠA addaść raźviedku na aŭtsorsinh
Dziarždepartament ZŠA budzie adsočvać kamiercyjnuju aktyŭnaść vajskova-pramysłovych kompleksaŭ zamiežnych dziaržaŭ z dapamohaj inšych arhanizacyj, jak amierykanskich, tak i zamiežnych.
Adsočvać infarmacyju prapanujecca ŭ krynicach na ruskaj movie, arabskaj, kitajskaj, farsi i urdu.
Pra płany Dziarždepu stała viadoma ź infarmacyi na dziaržaŭnym partale uradavych hrantaŭ. Tam apublikavana abviestka pra konkurs na stvareńnie prajekta manitorynhu i analizu infarmacyi, jakaja znachodzicca ŭ adkrytym dostupie, pra ździełki ŭ halinie handlu zbrojaj i vajskovaj technikaj.
Abjom kantrakta — da paŭmiljona dalaraŭ. Udzielničać u im mohuć niaŭradavyja, kamiercyjnyja i adukacyjnyja arhanizacyi.
Hetaja infarmacyja nieabchodnaja Dziarždepartamientu dla kantrolu nad vykanańniem režymu sankcyj i nieraspaŭsiudžvańnia. U abjavie asabliva padkreślivajecca, što havorka idzie pra aktyŭnaść va ŭsich abłaściach handlu zbrojaj i vajskovaj technikaj, uklučajučy zvyčajnuju zbroju.
