Raśsielhasnahlad źniaŭ zabaronu na pastaŭki pradukcyi z troch biełaruskich pradpryjemstvaŭ
Raśsielhasnahlad z 17 červienia dazvalaje pastaŭki małočnaj pradukcyi nalivam z troch biełaruskich pradpryjemstvaŭ, paviedamlajecca na sajcie viedamstva.
Raśsielhasnahlad z 17 červienia 2018 hoda dazvalaje pastaŭki małočnaj pradukcyi nalivam z pradpryjemstvaŭ:
- KVUP «Mazyrskija małočnyja pradukty»;
- AAT «Turaŭski małočny kambinat»;
- AAT «Lidski małočna-kansiervavy kambinat».
Viedamstva taksama paviedamiła, što hetaje rašeńnie pryniata pad harantyi biełaruskaha boku, a taksama pry ŭmovie pradstaŭleńnia na praciahu miesiaca, z momantu adkryćcia pastavak, danych łabaratornaha manitorynhu pradukcyi pa asnoŭnych vidach lekavych srodkaŭ, vyjaŭlenych raniej u pradukcyi biełaruskich pradpryjemstvaŭ.
Usie pastaŭki małočnaj pradukcyi zhadanych pradpryjemstvaŭ łabaratorna prakantralujuć z boku Raśsielhasnahladu, z adboram śpiecyjalistami słužby nie mienš za 10 prob pa ŭsich hrupach ryzyki dla kožnaha pradpryjemstva.
