Paŭła Sieviarynca aštrafavali bolš jak na tysiaču rubloŭ za «Astraviecki šlach»
Palityka sudzili ŭ Savieckim rajonnym sudzie Miensku. Paŭła Sieviarynca abvinavacili ŭ parušeńni dazvolenaha paradku praviadzieńnia Čarnobylskaha šeścia i zaklikach da akcyj pratestu suproć budaŭnictva Astravieckaj AES, piša «Radyjo Svaboda».
Na sudzie Pavał Sieviaryniec abvierh źviestki milicyi z pratakołu, pavodle jakoha 26 krasavika z pramovaj jon vystupaŭ kala kinateatru «Kastryčnik», dzie źbiralisia ŭdzielniki Čarnobylskaha šlachu, a nie kala kaplicy ŭžo paśla šeścia. «Tam mitynh byŭ dazvoleny», — nastojvaŭ Pavał Sieviaryniec.
Što tyčycca zaklikaŭ da hramadzianaŭ udzielničać u «Astravieckim šlachu» — mierkavanych štomiesiačnych akcyjach pratestu suproć budoŭli Astravieckaj AES — to Sieviaryniec pryznaŭ, što infarmavaŭ ludziej pra akcyi pratestu, bo ličyć budoŭlu AES u Astravieckim rajonie złačynstvam.
Sudziła Paŭła Sieviarynca sudździa Savieckaha rajsudu Viera Hałaŭkova, jakoj Pavał Sieviaryniec zajaŭlaŭ advod, ale vyniku nie damohsia. Taksama sudździa Hałaŭkova admoviłasia vieści praces pa-biełarusku. Jana aštrafavała palityka na 45 bazavych vieličyniaŭ — 1102 rubli 50 kapiejek.
Čarnobylski šlach adbyŭsia ŭ Miensku 26 krasavika. Šeście i mitynh byli dazvolenyja staličnymi ŭładami.
