Možna navat nie iści ŭ muziej: vystavu repradukcyj sučasnych mastakoŭ zładzili prosta na aŭtazapraŭkach
Hetym letam žychary Minska i hości horada zmohuć acanić niezvyčajny mastacki prajekt «Art-zapraŭka». Absalutna novaja dla horada forma rašeńnia ekspazicyi vystavy, raźmieščanaj na šaści minskich aŭtazapraŭkach, abjadnaje 46 repradukcyj karcin 16 sučasnych biełaruskich mastakoŭ.
Na sajcie Say.by možna ŭbačyć admysłovuju kartu, dzie znachodziacca zapraŭki, što ŭdzielničajuć u vystavie
Inicyjavała prajekt kampanija AZS A-100 — na aŭtazapravačnych stancyjach hetaj sietki i buduć raźmieščany karciny biełaruskich sučasnych aŭtaraŭ (repradukcyi vykanany praparcyjna vieličyni aryhinałaŭ). Heta raboty Leanida Ščamialova, Ramana Zasłonava, Uładzimira Toŭścika, Hanny Silivončyk, Vasila Kaściučenki i inšych. Tvory dla ekspazicyi adbiralisia z fondaŭ Nacyjanalnaha Centra Sučasnych Mastactvaŭ.
Taki farmat mastackaj vystavy ŭ Biełarusi pradstaŭleny ŭpieršyniu.
«Papularyzacyja biełaruskaha mastactva i kulturnaj spadčyny — važny składnik pazicyi našaj kampanii. Dla našych klijentaŭ užo daŭno isnuje mahčymaść naviedvać Nacyjanalny mastacki muziej i Muziej historyi Vialikaj Ajčynnaj vajny za pałovu koštu bileta. Maštabny prajekt «Art-zapraŭka», realizavany pry padtrymcy NCSM, staŭ łahičnym praciaham: jon daje kruhłasutkavy svabodny dostup da ekspazicyi dla ŭsich achvotnych. Upeŭnienyja, što nam udasca pryjemna ździvić minčan i haściej horada, a našy najbujniešyja AZS stanuć u hetym siezonie sapraŭdnym upryhažeńniem stalicy», — kamientuje dyrektar HK A-100 AZS Hanna Krasoŭskaja.
Prajekt «Art-zapraŭka» startuje 14 červienia i praciahniecca da vosieni. Uvieś hety čas jon budzie pašyracca i atrymaje praciah u śpiecyjalnych padziejach jak sučasnaha mastactva, tak i biełaruskaha stryt-artu.
«Pryjemna, što biznes zajmaje aktyŭnuju pazicyju ŭ prasoŭvańni ajčynnaj historyka-kulturnaj spadčyny. Zadača hetaha prajekta — paznajomić šyrokuju publiku z tvorčaściu najbolš prykmietnych pradstaŭnikoŭ sučasnaha biełaruskaha mastactva. My chočam źviarnuć uvahu hledača na asablivy aŭtarski styl, niezvyčajnyja vobrazy i kalarovyja rašeńni rabot, ich raznapłanavaść i samabytnaść», — adznačyŭ Siarhiej Kryštapovič, dyrektar Nacyjanalnaha Centra Sučasnych Mastactvaŭ.
