Ad zaradu batarei da ruchu myšy: jakuju infarmacyju pra nas źbiraje Facebook?

U pryvatnaści, sacyjalnaja sietka padrabiazna pieraličvaje ŭsie źviestki pra karystalnikaŭ i pryłady, jakija jana źbiraje i adsočvaje:

• Źviestki pra pryładu. Apieracyjnyja sistemy, viersii prahramnaha zabieśpiačeńnia, uzrovień zaradu batarei, mahutnaść mabilnaha sihnału, dastupnaje miesca dla zachoŭvańnia fajłaŭ, typ braŭziera, typy i nazvy dadatkaŭ i fajłaŭ, ubudovy.
• Źviestki pra apieracyi. Naprykład, ci adkryta akno, albo jano znachodzicca ŭ fonavym režymie; ruchi myšy (heta dapamahaje adroźnivać ludziej ad botaŭ).
• Identyfikatary. Unikalnyja identyfikatary, ID pryłady i inšyja identyfikatary, u tym liku z hulniaŭ, dadatkaŭ abo asabistych akaŭntaŭ, ID siamiejnych pryład (i inšych identyfikataraŭ, źviazanych z praduktami Facebook i pryviazanych da adnoj pryłady abo akaŭnta).
• Sihnały pryłady. Sihnały Bluetooth i infarmacyja pra najbližejšyja punkty dostupu da Wi-Fi, radyjomajaki i mabilnyja vyški.
• Źviestki pra nałady pryłady. Infarmacyja, jakuju karystalnik dazvalaje atrymać praz nałady — naprykład, dostup da hieałakacyi, kamiery i fatahrafij.
• Sietka i suviaź. Nazva mabilnaha apieratara abo pravajdera karystalnika, mova, hadzinny pojas, numar mabilnaha telefona, IP-adras, chutkaść suviazi i, u niekatorych vypadkach, infarmacyja pra najbližejšyja abo padłučanyja da toj samaj sietki pryłady, što dapamahaje, naprykład, pieradać videazapis z telefona na televizar karystalnika.
• Cookie-fajły. Infarmacyja z sookie-fajłaŭ, jakaja zachoŭvajecca na pryładzie karystalnika, u tym liku ID i nałady.

Pavodle BBC

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0