Biudžetny siedan Geely źjavicca ŭ sieryjnaj vytvorčaści ŭ žniŭni i budzie kaštavać da 23 tysiač rubloŭ FOTA
Biudžetny siedan Geely za 23 tysiačy rubloŭ budzie zapuščany ŭ sieryjnuju vytvorčaść u žniŭni 2018 hoda.
Pra heta ŭ efiry prahramy «Tydzień» na telekanale STV paviedamiŭ pieršy namieśnik ministra pramysłovaści, vykonvajučy abaviazki hienieralnaha dyrektara SZAT «BIEŁDŽY» Hienadź Śvidzierski, paviedamlaje BIEŁTA.
Pavodle jaho słoŭ, u traŭni zavod zasvoiŭ vytvorčaść novaj madeli aŭtamabila Geely ŭ kuzavie siedan. Pieršyja partyi hetaj madeli prajšli ekspłuatacyjnyja vyprabavańni i patrapiać u dylerskija centry ŭ červieni. Z ulikam technałahičnaha cykłu, a taksama pastaŭki kamplektujučych z Kitaja aŭtamabil vyjdzie ŭ sieryjnuju vytvorčaść u žniŭni. «My płanujem, što madel pavinna vyjści na rynak z canoj mienš za 23 tysiačy rubloŭ», — skazaŭ pieršy namieśnik ministra.
Takim čynam, praciahnuŭ Hienadź Śvidzierski, siońnia zavod maje try madeli aŭtamabilaŭ, jakija byli zapłanavanyja da vytvorčaści. U listapadzie 2017 hoda adkryta i zapuščana vytvorčaść fłahmanskaj madeli NL-3 Atlas. U sakaviku zavieršany vyprabavańni novaha biudžetnaha krasoviera NL-4, jaki ŭžo znachodzicca ŭ prodažy.
Pieršy namieśnik ministra taksama dadaŭ, što jašče adna važnaja zadača, jakaja stajała pierad kalektyvam zavoda, — padrychtoŭka da zdačy ŭ kamiercyjnuju ekspłuatacyju zavoda i ŭsich jaho cechaŭ z abstalavańniem. «Dumaju, hetaja praca budzie zavieršana ŭ červieni», — kanstatavaŭ jon.
Hienadź Śvidzierski taksama źviarnuŭ uvahu jašče na adzin važny momant — nabor i navučańnie piersanału. Ciapier isnuje nieabchodnaja kolkaść rabotnikaŭ dla vypusku 50 mašyn za źmienu. U bližejšych płanach u trecim kvartale vyjści na vypusk 70 mašyn za źmienu. «Pakul pracujem u adnu źmienu. Nabirajem i navučajem kadry. Jak tolki budzie nieabchodnaja kolkaść piersanału dla poŭnaj zahruzki ŭ adnu źmienu, to budzie stajać zadača pierajści na dvuchźmienny režym pracy», — prainfarmavaŭ vykonvajučy abaviazki hiendyrektara. Pry heta jon adznačyŭ, što jość vialikaja kolkaść žadajučych pracavać na pradpryjemstvie. Siaredniaja zarabotnaja płata składaje kala 1000 rubloŭ i jana budzie pavyšacca.
